Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Seigarren urtez, Zaldibarko hondamendia salatu eta zabortegiko milaka tonen azpian hil ziren Alberto Sololuze eta Joaquin Beltran langileak gogoratu dituzte gaur Bizkaiko udalerrian, Zaldibar Argitu herri plataformak deituta. Hondamendian izandako ingurumen delituak ikertzen ari den epaitegiari instrukzio fasea behingoz amaitzeko galdegin diote, 72 hilabeteren ondoren ekainaren 1era arte luzatu baitute, "beste behin".
Hondamendiaren 6. urtemugan, dozenaka lagun bildu dira Zaldibarko Eitzaga auzoan, garai batean zabortegia zegoen tokian. Herri plataformako kideak, Sololuze eta Beltran beharginen senitartekoak eta herritar ugarik hartu dute parte ekitaldian, eta bertsolari eta musikarien emanaldien ondotik, lore eskaintza egin dute bi langileen omenez paratutako oroigarrian.
Urte hauetan agintarien aldetik jasandako "umilazioa, gehiegikeria eta mesprezua" salatu ditu Zaldibar Argitu plataformako kideetako batek, eta erantsi "oso nekagarria" dela justizia eskatzen ibiltzea, "injustizia guztiek agintarien babesa" izan beharko luketela uste baitute.
Era berean, "dena txukun" eta plastikoz babestuta dagoela ematen duen arren, zabortegiaren zati bat, Etxebarrira ematen duena, "babesik gabe" dagoela eta "zaborra zuzenean errekara" doala jakinarazi dute. Hala, kutsadura neurtzeko aparatuak "itxurakeria" direla nabarmendu dute: "Errekaren ura ez dago horren garbi".
Herri plataformaren beste kide batek ingurumen delituak ikertzen ari den epaitegiaren jarduna izan du hizpide, eta salatu du duela urtebete, iazko ekitaldian, egindako berbek balio dutela, "ez da-eta ezer aldatu hondamendia argitze aldera". Salatu duenez, instrukzio fasea enegarrenez luzatu dute. "Zenbat denbora behar dute instrukzioa amaitu eta ondorioak aurkezteko? Argitu dadila dena. Zergatik gertatu zen hondamendia eta nortzuk izan ziren erantzuleak. Gero, gerokoak", adierazi du. Azkenik, iragarri du dena argitu arte Zaldibar Argituk "hemen jarraituko duela, Eitzagako herritarrak babesten".
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.