Uko egin diote deklaratzeari atxilotutako 18 pertsonek
Uko egin diote deklaratzeari Herriraren aurkako operazioan Guardia Zibilak atxilotutako 18 pertsonek. Bart hasi du itaunketa Poliziak, Tres Cantosko (Madril) kuartelean. Halaber, bihar, osteguna, bidaliko dituzte Eloy Velasco Auzitegi Nazionaleko epailearen aurrean.
Atxilotze epea ostegun goizean amaituko da, eta, orduan, Auzitegi Nazionalera eramango dituzte, Eloy Velasco epailearenera.
Aiert Larrarte abokatuak Radio Euskadiko Ganbara saioan zehaztu duenez, 18 atxilotuak "ondo" daude, eta ez dute "legez kanpoko galdeketarik ezta mehatxurik ere" jaso. Gainera, ETAren edo ezker abertzalearen aurkako polizia operazio gehienetan ez bezala, komunikatuta daude.
Hain zuzen ere, ETAko kide izatea, terrorismoa goratzea eta talde armatua finantzatzea egotzi diete.
Hauek dira atxilotutakoak: Amaia Esnal, Nagore Garcia, Eneko Ibarguren, Jexux Mari Aldunberri, Ekain Zubizarreta, Manu Ugartemendia, Roberto Noval, Beñat Zarrabeitia, Ibon Meñika, Jose Antonio Fernandez, Oscar Sanchez, Gorka Gonzalez, Ane Zelaia, Jon Garai, Sergio Labaien, Imanol Karrera, Eneko Villegas eta Fran Balda.
Atxiloketa gehienak, hamar, Herrirak Hernanin duen egoitzan egin zituzten. Guardia Zibilak lokal hori eta beste hainbat miatu zituen, Araban, Bizkaian, Gipuzkoan eta Nafarroan.
Jende ugari egoitzetara bertaratu zen, atxiloketen aurka protesta egiteko. Halaber, Laura Mintegi, Julen Arzuaga eta EH Bilduko beste hainbat legebiltzarkide Gasteizko egoitzara joan ziren, agenteei informazioa eskatzeko.
Bilbon, guardia zibilak okertu egin ziren, eta Eusko Alkartasunaren (EA) egoitzan sartu ziren lehenik eta behin, atea mailuka hautsiz. Pello Urizar buru duen alderdia auzitara jotzea aztertzen ari da.
Atxiloketen egunean bertan, hainbat elkarretaratze egin zituzten arratsaldean. Horietako batean, Hernanin egindakoan, hain justu, Ertzaintza oldartu egin zen, eta Amalur Mendizabal Amaiurreko senatariak borra-kolpe bat eta bultzadak jaso zituen. Horren ondorioz, puntuak eman behar izan zizkioten, buruan.
Senatari abertzaleak salaketa jarri du Polizia autonomikoaren aurka, eta Eusko Jaurlaritzako Segurtasun Sailak ikerketa bat abiatu du, gertatutakoa argitzeko. Estefania Beltran de Heredia sailburuak, gainera, agerraldia egingo du Legebiltzarrean, azalpenak emateko.
Zure interesekoa izan daiteke
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.
Frankistek torturatutako Txomin Letamendiren oroimena gordetzearen alde mintzatu da Pradales
Imanol Pradales lehendakaria Txomin Letamendi gudariaren memoriaren alde mintzatu da astelehen honetan, frankismo garaian jasan zituen tortura basatien ondorioz hil zela 75 urte bete direnean.