Elkarretaratzeak ostiralean, Herriraren aurkako operazioaren kontra
ELA, LAB, ESK, STEE-EILAS, EHNE, HIRU, CGT eta CNT sindikatuek elkarretaratzeak deitu dituzte ostiralerako, 12:00etatik 12:30era, Euskal Herriko lantokietan, "Herrira presoen eskubideen aldeko elkartearen aurkako polizia operazio bidegabearen aurka".
ELAko eta LABeko idazkari nagusiek, Adolfo Muñozek eta Ainhoa Etxaidek, "gaitzespen irmoa" erakutsi dute, protesta deitu duten sindikatu guztien izenean, "astelehenean 18 pertsona atxilotzea ekarri zuen erabaki politikoaren aurrean".
"Herritarren eskubide zibilen aurkako eraso zuzen honen aurrean, norberarentzat eta gainerakoentzat sufrimendurik nahi ez duten horiei dei egiten diegu, demokratikoki larunbateko manifestaziora eta ostiraleko lanuztera batu daitezen, indarrak metatuz gure herrian hasitako prozesu politikoa baldintzatzeko", Muñozek esan duenez.
Halaber, sindikatuek atxilotuak "berehala" aske uzteko eskatu dute, eta Herrira "gure herrian ondo ezaguna den elkarte zabal eta baketsua" dela eta "eskubide zibilen defentsan" lan egiten duela gehitu dute.
Elkarretaratzeetan parte hartzeko deia egin dute kultura eta gizarte eragileek
Bestalde, ostiral honetan "Euskal Herriko hiri eta herrietan euskal preso eta errefuxiatuen eskubideen alde egingo den olatuan" parte hartzeko deia egin dute kultura eta gizarte arloko agenteek.
Imanol Ubeda Bide Ertzean taldeko kideak eta Estitxu Eizagirre Argiako zuzendari eta kazetariak adierazpena irakurri dute, bi hizkuntzetan, Donostian eskaini duten prentsaurreko batean. Adierazi dutenez, "harro" daude Herriraren kontrako polizia operazioan atxilotutako 18 lagunak ezagutzeaz eta plataformak egindako lana "herriz herri" egiten jarraitzeko konpromisoa agertu dute.
Dozenaka lagunen babespean agertu dira Ubeda eta Eizagirre. Han izan dira, besteak beste Hernani, Astigarraga eta Lezo alkateak, Mikel Izagirre Urnietako alkate ohia, Iñaki Errazkin Gipuzkoako Ingurumen diputatua, Garbiñe Errekondo Administrazio diputatua, Ainhoa Beola Aralarko kidea, Txerra Bolinaga Eleak taldeko bozeramailea, Jon Benito idazlea, Juanba Berasategi zinemagilea, Ines Osinaga musikaria edo Mikel Astarloza txirrindularia.
Ubedaren eta Eizagirren esanetan, asteleheneko operazioa "erasoa" izan da eta "agerian utzi du euskal herritarrek ez dugula eskubide zibil edo politikorik, Espainiako Estatuak askatasun, biltzeko eta antolatzeko eskubidea mugatzen duelako".
CCOOren babesa
Euskadiko CCOO sindikatuak manifestaldian parte hartuko duela iragarri du. Guardia Zibilaren azken operazioak elkarbizitzari eta normalizazioari laguntzen ez diola uste du sindikatuak.
Ezker abertzalearen eta ELA eta LAB sindikatuen adierazpenarekin bat egin ez dutela azaldu du CCOOk agiri batean, "edukiaren zati batekin ados ez zeudelako", baina mobilizaziori babesa emateko arrazoiak ikusten ditu.
Debekua Nafarroan
Iruñean, Tuteran eta Altsasuan ostiralean egitekoak ziren elkarretaratzeak debekatu ditu Gobernuaren Ordezkaritzak, ELA, LAB, ESK, CGT, STEE, EHNE eta HIRU sindikatuek gaur salatu dutenez.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".