Francisco Etxeberria: 'Oso tortura odoltsua izan zen, oso basatia'
Jesus Garciak arrastoan jarrita, Francisco Etxeberria izan zen Alacanteko gorpuak Joxean Lasa eta Joxi Zabalarenak zirela identifikatzeko arduraduna. "Zerraldoak zabaldu nituen eta bi eskeleto zeuden bertan, ehun bigun batzuk lehortuta, momifikatuta, neurri batean; karea, lurra eta beste ere bazeuden, noski. Berehala, hortz-haginak begiratu nituen, eta eurak izan zitezkeela konturatu nintzen", azaldu du.
Gaiak hautsak harrotu ahal zituela jakinik, Etxeberria tentuz aritu zen lanean: "Eurak zirela egiaztatu nuenean, hunkituta, argazkiak eta bideo batzuk hartzea erabaki nuen. Banekien aferak soka luzea ekarriko zuela, eta, hain zuzen ere, egiten ari nintzen horrekin babestu behar nuen neure burua.
Gorpuen egoerari buruz adituak esan duenez, "oso tortura odoltsua jasan zuten, oso mingarria eta basatia, eta azkenean, horien egoera ikusita, hiltzea erabaki zuten, oso lesio larriak baitzituzten. Ez dugu ahaztu behar garai hartan jendea bahitu eta lau egun geroago agertzen zela, hematomak, erredurak eta beste zituztela. Batzuetan, gauza horiek ahaztu egiten dira".
Joxean Lasa eta Joxi Zabala mugaren bestaldera ihes egin zuten ETAko kideak 1983an bahitu zituzten, eta gero torturatu eta hil zituzten. 2000. urtean, 365 urteko kartzela zigorra ezarri zieten guztira Julen Elgorriaga, Enrique Rodriguez Galindo, Angel Vaquero, Enrique Dorado eta Felipe Bayori, erantzule gisa. Gaur egun, bostetako bat ere ez dago kartzelatuta.
Albiste gehiago politika
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.