Arnaldo Otegi berehala aske uzteko eskatu du Legebiltzarrak
Arnaldo Otegi eta 'Bateragune auzia'n zigortutako gainerako pertsonak berehala aske uzteko, eta "ekintza politiko publikoan eta gardenean" oinarritutako kausa penalak bertan behera uzteko eskatu du ostegun honetan Eusko Legebiltzarrak.
EH Bilduk aurkeztutako ez legezko proposamenak aurrera atera da EAJren babesarekin, eta, PSE-EEk, PPk eta UPyDk, berriz, kontra bozkatu dute.
Proposamena aurrera atera da, eta ekimenaren edukiak "betearazteko" instituzioen aurrean beharrezkoak diren kudeaketa guztiak egiteko, eskatu dio Legebiltzarrak Eusko Jaurlaritzari.
Larritzat jotzen dute 'Bateragune auzia'n prozesatutako bost pertsonek kartzelan jarraitzea, "legearen izpiritua urratzen du, eta denborak erakutsi du bostak bakearen eta normalizazioaren alde lanean ari zirela".
Debatean zehar ika-mika izan da. Julen Arzuaga EH Bilduko bozeramaileak hitza eskatu du beste alderdiak koalizioa kalumniatzen ari zirela salatzeko; izan ere, PSE-EEk, PPk eta UPyDk ETArekin lotu dute.
Bakartxo Tejeria Eusko Legebiltzarreko presidenteak auzitegietan salaketa jartzera gonbidatu du Julen Arzuaga, egin ez duen delitu bat egotzi diotela uste badu.
Une horretan, Unai Urruzuno EH Bilduko legebiltzarkidea kexatu egin da, eta Tejeriak kanporatzeko mehatxua egin dio. Urruzunok "pailazoa" deitu diola salatu du Iñigo Iturrate Eusko Legebiltzarreko Mahaiko idazkariak, baina EH Bilduko legebiltzarkideak ukatu egin du.
Julen Arzuaga EH Bilduko legebiltzarkideak salatu duenez, Bateraguneko auziko epaiketan auzipetuak ETArekin lotzeko indiziorik ez zegoen.
Joseba Egibar jeltzaleak azaldu duenez, "auziperatuek kalean egon behar dute politika egiten, ezker abertzaleak lan asko dauka egiteke eta".
PSE-EE, PP eta UPyD alderdietako bozeramaileek Bateraguneko auziagatik kartzelan dauden horiek aske uztearen kontra agertu dira, eta EH Bilduren ez legezko proposamena babestea leporatu diote EAJri.
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.