Juan Manuel Piriz askatu dute
Auzitegi Nazionaleko Zigor Arloko Aretoak Juan Manuel Piriz Lopez ETAko presoa askatzea erabaki du, Estrasburgoko Giza Eskubideen Auzitegiak Parot doktrinaren ebazpenak eragiten diola argudiatuta, iturri judizialek zabaldu dutenez.
Piriz 29 urtez eta 8 hilabetez egon da preso, eta Kartzelatik irtengo den ETAko bigarren presoa da, Estrasburgoko Auzitegiak Parot doktrina bertan behera utzita, Ines del Rio presoa aske uztea Areto berdinak erabaki eta gero.
Espetxe zaintzako iturriek jakitera eman dutenez, arratsaldeko 17:00etan atera da Botafuegoseko (Algeciras) espetxetik Piriz, eguerdian Auzitegi Nazionaleko Zigor Aretoak erabakia hartu eta lau ordura. Kartzela atarian hamabost bat lagun eta senitarteko zituen zain. Ikurriñak eskutan, txaloka hartu dute preso ohia. Pirizek ez du adierazpenik egin nahi izan kazetarien aurrean.
Josefa Ernagaren kasuan, erabakia azaroaren 8ko saiora atzeratzea adostu du Aretoak, edozein kasutan, 2014ko abendua baino lehen ez dutelako askatuko.
Pirizen kasuan, ordea, Arteoak baiezkoa eman du ondorengo irizpideak kontuan hartuta: Parot doktina ez ezartzeko Gorenaren eta Konstituzionalaren ebazpenen ukiezintasuna, eta Ines del Rioren auziaz geroztik Estrasburgoko Auzitegiak ezarritako irizpide berria.
Bilerak ostiralero
Auzitegi Nazionaleko Zigor Arloko Aretoa ostiralero bilduko da azaroaren 8tik aurrera, Parot doktrina baliogabetzeko eskatu duten 51 presoen auziak aztertzeko, horiei Gorenean eta Konstituzionalean auziak erabakitzeke dituzten presoak kendu behar zaizkie.
Iturrien arabera, gaur bildutako epaileek erabaki dutenez, auzitegi horiek erabaki beharko dute auziak dituzten presoen gainean, eta ez Auzitegi Nazionalak, Estrasburugok Parot doktrina legez kanpokotzat jo ostean.
Gainerako presoen egoeraren inguruko erabakiak ostiraletan hartuko dituzte, bilkuraz bilkura, eta auziz auzi.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.