Buesa Fundazioak ez du biktimek deitutako manifestazioan parte hartuko
Fernando Buesa Fundazioak ez du AVTk iganderako Madrilen deitu duen manifestazioan parte hartuko, Sara Buesa Fernando Buesa Fundazioko presidenteordeak azaldu duenez. Fernando Buesaren alabaren hitzetan, presoak kaleratzeak sortuko duen minarekin bat egiten dute, biharko manifestazioan egingo diren aldarri askorekin ere ados daude, baina orain soseguz jokatu behar dela uste du.
RNE irratiari eskainitako elkarrizketan, Parot doktrinaren baliogabetzea izan du hizpide. Horren ustez, "jendearen gai horren gainean lasaitasunez hausnartzeko garaia da".
Europako Giza Eskubideen Auzitegiak emandako epaia ez du traiziotzat jo, eta "ondorio mingarriak badakartza ere; besteak beste, hilketa asko egin dituzten gizon-emakumeak kalera aterako direlako, Zuzenbide Estatua errespetatzen jarraituko dugu".
"Horrela izan behar du. Erabaki batzuk gutxiago gustatuko zaizkigu, baina Justizian eta Zuzenbide Estatuan konfiantza daukagu, eta ez dugu epaitegien erabakirik zalantzan jarriko", nabarmendu du.
Buesa Fundazioak ez du AVTk biharko deitutako manifestazioarekin bat egin, biharko manifestazioan egingo dituzten hainbat aldarrirekin ados badago ere, eta presoak kaleratzeak sortutako minarekin bat egiten badu ere. "Kartzelatik aterako direnek ez dute damurik azaldu eta ezta egindako mina aitortu ere. Horregatik, kaleratutako presoek zuzenki eragiten dien biktimen minarekin bat egiten dugu", gaineratu du Sara Buesak.
Horren iritziz, orain soseguz jokatu behar da, eta eguneroko lanean agertuko dute presoak kaleratzearen kontrako jarrera. Bestalde, egindako mina aitortzeko eta gaizki egin dutela onartzeko eskatu die presoei, eta, Sorturi eta Bilduri, berriz, jarrera hori bultzatzeko.
"Jarrera argia izan behar dute eta ETAren biolentzia gaitzetsi behar dute", gaineratu du.
Horren ustez, ez da nahikoa kaleratutako presoei omenaldirik ez egitea, eta "isilik egoteak ere ez du ezertarako balio".
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.