Etxeratek Sevilla II kartzelan 'eskubide urraketak' daudela salatu du
Etxerat presoen senideen elkarteak kazetariei azaldu dienez, Sevilla II kartzelako bederatzi preso duela 23 egunetik egiten ari diren gose grebaren arrazoia presondegiko zuzendaritzak "eskubideak urratzen" dituela da; haiek jo ditu taldeak egoeraren "erantzule bakartzat".
Kazetarien aurreko agerraldi batean, Etxerateko ordezkariek ohar bat irakurri dute, Sevillako espetxean preso dauden bederatzi pertsonak urriaren 28an gose greba hasi zutela jakinarazteko.
Horien artean Juan Lorenzo Lasa Txikierdi, sei hilketagatik kondenatua, eta Gurutz Agirresarobe, 2003an Andoaingo Poliziaren burua hiltzeagatik kondenatutakoa, daude.
Onintza Lopez de Muniain Etxerateko bozeramailearen hitzetan, Sevillako kartzelako beste lau preso "ez dira ziegatik ateratzen, bertako presoek pairatzen dituzten baldintza oso muturrekoen aurka protesta egiteko".
Horrez gain, Onsy eta Nanterreko (Frantzia) espetxeetako presoek baraualdiak egingo dituzte txandaka, Sevillako protestak irauten duen bitartean.
Presoen eskubideen aldeko taldearen arabera, "gose greba ekarri duen egoera tentsio oso handikoa da duela lau urtetik", eta "kartzelako zuzendaritzarekin izandako elkarrizketek luzatzeko eta konponbide arrastorik ez dagoela egiaztatzeko" balio izan dute soilik.
Etxerateko ordezkarien esanetan, Sevilla IIko preso hauek "uneoro isolatuta egoten dira, ez diete jarduerarik egiten uzten, eta patiora ateratzen direnean metal-detektagailua pasatzen diete eta miatu egiten dituzte".
"Isolamendu mugagabea bukatzea eta presoak elkartzea" eskatu dute, baita "giza eskubideak errespetatzea eta jazarpena eta erasoak amaitzea" ere.
Taldeak, gainera, "dispertsioak erasoak, isolamendua eta presoen eta horien senideen aurkako beste eskubide urraketa batzuk" ahalbidetzen dituela esan du.
Zure interesekoa izan daiteke
Eusko Jaurlaritzak ostegunean hasiko du urte politiko berria
Besteak beste, etxebizitzaren prezioak, Osakidetzako itxaron-zerrendek, transferentziek eta erreforma fiskalak markatuko dute agertoki politikoa udazkenean.
Valcalderan fusilatutakoak omendu dituzte Iruñean eta Cadreitan, 90 urte betetzen direnean
1936an, agintari militarrek 52 preso errepublikano atera zituzten Iruñeko kartzelatik, askatuko zituztelako aitzakian, baina hil egin zituzten. Bederatzi hamarkada geroago, ez dakite non dauden haien gorpuzkiak.
Ceutan konfinamendua ezartzeko eskatu dio Feijook Sanchezi "osasun arriskuagatik"
Alberto Nuñez Feijoo PPko buruak Ceutan konfinamendua ezartzeko eskatu dio Pedro Sanchez Espainiako Gobernuko presidenteari, uztailaren amaieran migratzaileak masiboki sartu ostean atzeman diren gaixotasun infekzioso eta kutsakorrak direla eta. Horren hitzetan, sarna eta tuberkulosi kasuak daude eta "osasun-arriskua" dago.
Bizirik dauden migratzaileak eta hildakoen gorpuak aberriratzeko eskatu dio Marokok Espainiari
Marokoko Justizia ministroak Espainiarekin akordio bat sinatzeko eskatu du, eta ziurtatu du Maroko prest dagoela autobusak Ceutara bidaltzeko, bizirik dauden migatzaileak hartzeko.
Gorenak atzera bota du ministroak abuztuan Senatuan agertzera behartzeko PPk egindako premiazko eskaera, Ceutako krisia dela eta
Nuñez Feijook Gobernuari eskatu dio baimena eman diezaiola Felipe VI.ari hiri autonomoa bisitatzeko, erregeak “Ceutara joan nahi duelako hala dagokiolako”.
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.