'Tantaz tanta' ekimenak Bilbo itsaso bihurtu nahi du urtarrilaren 11n
'Tantaz tanta' ekimenak Bilbo itsaso bihurtu nahi du urtarrilaren 11n, sakabanaketarekin amaitzeko eta "konponbidea eta bakea" eskatzeko. Antolatzaileek parte hartzeko deia egin diete herritarrei, eta ez dutela kolektiboen atxikimendurik bilduko argitu dute. Halaber, euskal gizartearen "aniztasuna" islatzea izango dute helburu.
Ekimeneko ordezkariek gaur goizean erregistratu dute urtarrilaren 11n, Bilbon, presoen eskubideen alde eta sakabanaketaren kontra egingo duten mobilizazioa.
'Tantaz tanta' ekimeneko bozeramaileek azaldu dutenez, 1.200 tantaren izenean egin dute deialdia, une honetan ekimena osatzen duten pertsonei erreferentzia eginez. Ez da ohi bezalako manifestazioa izango, eta "Giza eskubideak, irtenbidea, bakea. Euskal presoak Euskal Herrira" lelopean, sakabanaketaren kontrako itsaso handi bat irudikatu nahi dute Bilbon.
Hori dela eta, ez da ez ibilbiderik, ez pankartarik, ez amaierako komunikaturik izango. Antolatzaileen esanetan, konponbidearen aldeko ekimen herritarra egin nahi dute, eta urtarrilaren 11n egun osoan zehar izango dira ekitaldiak.
Ez dute blokerik sortzerik nahi, ezta gaia alderdiek elkarri egozteko arma gisa erabiltzerik nahi ere. "Pertsonei egiten diegu deialdia, izen eta abizenekin. Egun horretan herritarrak aterako dira kalera, eta horregatik ez ditugu kolektiboen atxikimenduak bilduko. Tantak bilatzen ditugu", gaineratu dute.
Presoen giza eskubideak errespetatzeko eta konponbidearen eta bakearen alde pausoak emateko eskatuko dute. Antolatzaileen esanetan, gizartearen zati handi batek eskari horiekin bat egiten du. "Jende-talde hori itsaso bihurtzen bada, litekeena da aldaketak egotea. Hori dela eta, ekimenaren aniztasuna bermatu nahi dugu, eta tantei dei egiten diegu", gaineratu dute.
Urtarrilaren 11n goizean goizetik Bilbora joateko deia egin diete herritarrei. Ekitaldiak 11:00etan hasi eta 22:30ean amaituko dira. Itsasoa, aldiz, 17:30ean hasiko da eratzen, eta ordubete geroago helduko da une gorenera.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.