Eztabaidaren helburua argitzeko eskatu dute EH Bilduk eta PSEk
Julen Arzuaga EH Bilduko legebiltzarkideak EAJren jarrera kritikatu du, autogobernuari buruz eztabaidatzeko lantaldearen azken helburua zein den argi esaten ez duelako.
EH Bilduren ustez 'Euskal Bidea' adostea izango litzateke eraginkorrena, "mahai gainean orri zuri bat jarrita eta indar politiko bakoitzak bere helburuak bertan argi adierazita".
"Helmugak eta helburuak aurretik zehaztuta izatea beharrezkoa; EH Bilduren helmuga argi dago: Euskal Herriarentzat subiranotasuna lortzea", azpimarratu du.
PSEk ere lan-taldearen helburua argitzea eskatu du
Alderdi Sozialistak uste du EAJk autogobernuari buruz eztabaidatzeko lan-taldea aurkezterakoan erakutsi duen "jarrera arduratsuak" elkar-ulertzeko bidea erraztuko duela. Nolanahi ere, eztabaida horren helburua zein den argitzeko eskatu dio Jaurlaritzari.
"PSEk ez dio ezer eztabaidatzeari uko egingo; areago, eztabaida guztietara gure proposamenekin joango gara, baina Jaurlaritzak bere asmoak argi adierazi behar ditu", azaldu du Jose Antonio Pastorrek.
Bestalde, begi honez hartu du EAJk autogobernuaz eztabaidatzeko lan-taldea aurkezterakoan "independentzia" hitza erabili ez izana. Horrek adostasunak lortzeko bidea erraztuko duela iritzi dio Pastorrek.
Autogobernuaren eztabaida Nafarroan ere egin behar dela esan du Aralarrek
Patxi Zabaleta Aralarren idazkari nagusiaren arabera, Eusko Legebiltzarrean autogobernuari buruz eztabaidatzea ezinbestekoa da, baina lan-talde horretan erabakitzeko eskubideaz ere hitz egin behar dela azpimarratu du.
Horrez gain, autogobernuari buruzko eztabaida Nafarroan ere egin behar dela nabarmendu du, Euskal Estatutua eta Nafarroako Foru Hobekuntzaren Legea "zaharkituta" geratu direlako.
Eztabaida horretan gakoa erabakitzeko eskubidea izango dela ere adierazi du. "Puntu horretan denak egon behar gara ados, independentistak garenak eta ez direnak; izan ere, edozein akordioren ostean gizarteari eman behar zaio hitza eta erabakia", erantsi du.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.