Urkullu: 'Presoen adierazpenak aldaketa nabarmena suposatzen du'
Iñigo Urkullu lehendakariak esan du, “erretorika alde batera utzita”, ETAko presoen adierazpenak “aldaketa nabarmena” suposatzen duela. ETAko presoek azken urteetan mantendu duten jarrera publikoa eta teorikoa kontutan hartuta, larunbateko adierazpena “aurrerapausoa” dela gaineratu du lehendakariak urteko balantzea egiteko agerraldian.
Orain, ETAko presoek larunbatean bidalitako adierazpenaren “ondorio praktikoak” zeintzuk izango diren ikusi beharko dela azpimarratu du Urkulluk.
Oraindik ere “eman beharreko urrats irmoak eta azkarrak” badaudela adierazi du Urkulluk. Zentzu horretan, presoek emango dituzten “urrats zehatzak” zeintzuk izango diren ezagutzea "nahitaezkoa" dela gaineratu du.
Hori bai, pausorik “garrantzitsuena” ETAk eman nahi duela azpimarratu du: ‘Lehenbailehen armagabetzearen keinua egin beharko luke”.
Espetxe politikaren inguruko aldaketak egiteko eskumena Espainiako Gobernuarena dela gogoratu du lehendakariak. Horren harian, Mariano Rajoy presidenteari mezu bat bidali diola esan du Urkulluk, bilera bat eskatuz: “Espero dut hurrengo egunetan elkarrekin egon ahal izatea”. Balizko bilera horretan, Urkulluk Jaurlaritzak onartutako Bake Plana aurkeztu nahi dio Rajoyri.
Behin betiko bakea lortzeko, Jaurlaritzak bere “borondatea eta ahalegina” mantenduko duela esan du Urkulluk, eta Gobernuak onartutako Bake eta Bizikidetza plana gogora ekarri du.
Horrekin batera, Legebiltzarrean abian jarritako Bake lantaldean alderdi guztietako ordezkariak egotea "nahitaezkoa" dela gaineratu du.
2014a urte hobea izango da
Arlo ekonomikoan, Urkulluk aurreratu du 2013. urtea langabe gutxiagorekin amaituko dela, 2014a urte “hobea” izango dela, Barne Produktu Gordinaren hazkundea “% 1etik gertu geratuko dela eta “enpleguaren suntsiketa” geratu egingo dela.
Azaldu duenez, “helburuak beteta” amaituko du Jaurlaritzak 2013. urtea. EAJk bere hauteskunde programan aurkeztutako 617 proposamenetik % 80ª “martxan direla” azpimarratu du lehendakariak.
Behin adierazle ekonomikoak aztertuta, datorren urtea “itxaropentsu” hartuko duela nabarmendu du. “Atzeralditik ateratzen ari gara, eta, 2014. urtean, Barne Produktu Gordinaren hazkundea % 1etik gertukoa izango da”.
Esportazioek ere aurreikusitakoak baino emaitz hobeak izan dituztela nabarmendu du.
2013ko emaitzak eta 2014 aurreikuspenak ikusita, datorren urtea “ekonomikoki hobea” izango dela berretsi du Urkulluk, “nahiz eta, oraindik ere, gure gainean mehatxu asko egon”.
Zure interesekoa izan daiteke
Hauteskunde eguna dute Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.