'ETAren desarmea bideratzeko protokoloa abiatu behar du Gobernuak'
Joseba Egibar EAJko legebiltzarkide eta GBBko presidenteak esan du Mariano Rajoyren Gobernuak "protokolo bat abian jarri beharko lukeela, zuzenekoa ala zeharkakoa, ETAk, desagerpena iragarri aurretik, armak entregatu ahal izateko". Egibarren ustez, "Gobernuak bide hori hartzen ez badu, beste norbaitek egin beharko du".
Deia egunkarian egindako elkarrizketan, Egibar Urkullu lehendakariak Rajoyri presoez eta bakegintzaz hitz egiteko eskatutako bileraz aritu da. GBBko presidenteak dioenez, Urkulluk "ez du bakarrik deia egin eta erantzuteko eskatu; horren aurretik, kartzela politika berriaren nondik norakoak zehazten dituen dokumentua bidali du".
"Xehetasunetan sartu barik, Espainiako Gobernuko presidenteak aspalditik du dokumentu horren berri. Beti baldintzaren bat jartzen du: desegitea, desagertzea... baina ETA desagertu aurretik armak eman behar badituzte, Gobernuak protokoloren bat abian jarri beharko luke, zuzena ala zeharkakoa. Zeri itxaroten ari dira?" galdetu dio Rajoyren Exekutiboari.
Horren harian, PPko Gobernuak protokoloa abian jartzen ez badu, "beste norbaitek" egin beharko lukeela dio Egibarrek: "erakunderen batek, Euskal Herrikoa edo beste nonbaitekoa, baina norbaitek egin beharko du". "Foro Soziala ere ildo horretatik lanean dabil", azpimarratu du.
Urtarrilaren 11ko presoen martxa
Hurrengo larunbatean, urtarrilaren 11n, presoen alde Bilbon egingo duten martxari dagokionez, Egibarrek esan du "Casillatik udaletxera distantzia fisikoa" dagoela, "baina ezker abertzaleak beste martxa bat egin behar du: 'Ez, ez, ez, amnistia ez da negoziatzen' eta 'Autodeterminazio eskubidearekin denak aterako zarete' leloetatik, kartzelara eraman dituen estretagiari uko egin eta banakako irtenbideen alde egitera doana.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.