Indar abertzaleek debekuari mobilizazio isil batekin erantzun diote
Larunbat honetarako manifestazio "isila" deitu dute EAJk eta Sortuk, Tantaz Tanta plataformak presoen alde antolatutako martxa Eloy Velasco Auzitegi Nazionaleko epaileak debekatu ostean.
Andoni Ortuzar EAJko eta Hasier Arraiz Sortuko presidenteek agerraldi bateratua egin zuten Bilboko Carlton hotelean deialdiaren berri emateko.
Manifestazioaren leloa "Giza eskubideak. Konponbideak. Bakea" izango da. Aralarrek, Eusko Alkartasunak, Geroa Baik, Alternatibak eta ELA eta LAB sindikatuek mobilizazioarekin bat egin dute. Mobilizazioa Casillatik abiatuko da 18:00etan.
Adolfo Muñoz eta Ainhoa Etxaide ELA eta LAB sindikatuetako idazkari nagusiek, Rebeka Uberak (Aralar), Amaia Agirresarobek (Alternatiba) eta Alberto Unamunzagak (EA) Arraiz eta Ortuzar lagundu zituzten agerraldian.
Arraizek euskaraz eta Ortuzarrek gazteleraz adierazpen bat irakurri zuten. Manifestazio isilean parte hartzeko dei egin eta "giza eskubideen urraketaren eta salbuespen neurri negatiboen aurrean" agertoki berria sendotu behar dela erantsi zuten. Horregatik, mobilizazioaren leloak aldarrikatzen dituen helburuak lortzeko herritarren lana eskatu zuten.
"Salbuespenezko" agerraldia
Prentsaurreko oso laburrean, "ezohiko" agerraldia izan zela azaldu du Ortuzarrek, "salbuespenezko egoera batek eragin baitu".
"Gure erantzuna ezohikoa izatea ulertuko duzue, eta gaur adierazgarriena esandakoaz gain, bihar bezala, isiltasuna izatea", esan zuen Ortuzarrek agerraldia amaitutzat eman baino lehen.
Prentsaurrekoa historikoa izan zen eta komunikabide ugari bildu dira. Ikusmin handia piztu zuen agerraldiak.
Lehenxeago, Tantaz Tanta plataformak bere deialdia bertan behera utzi zuen, Auzitegi Nazionalak larunbateko mobilizazioa debekatu ostean. Bere helburuak "bete" direla azaldu zuen Tantaz Tantak.
Gainera, partikular batek manifestazioa berria deitu zuen arratsaldean, eta ia aldi berean Arraizen eta Ortuzarren prentsaurrekoaren berri eman zuten.
Manifestazio isilean parte hartuko ez duela iragarri du Eusko Jaurlaritzak. Hala ere, deialdiaren aurrean erabateko "errespetua"agertu dute, nahiz eta Jaurlaritzako ordezkaritzarik ez bidali.
Manifestazio berria debekatzeko dagoeneko Auzitegi Nazionalaren aurrean salaketa aurkeztu du Terrorismoraen Biktimen Elkarteak (AVT).
Albiste gehiago politika
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo haien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.
Puigdemont, itzuli eta berriro ihes egin eta urtebetera: "Giltzapetuta eta gaitasungabetuta nahi banaute, nire betebeharra kontrakoa egitea da"
Generalitateko presidente ohia 2024ko abuztuaren 8an itzuli zen Kataluniara, hitzaldi labur baten ostean berriro ihes egiteko. Ordutik urtebete pasatu den honetan, bere hausnarketa argitaratu du sare sozialetan.
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.