Bilboko manifestazioa ez debekatzea erabaki du epaileak
Ismael Moreno Auzitegi Nazionaleko epaileak alderdi eta sindikatu abertzaleek gaur Bilbon deitu duten manifestazioa ez debekatzea erabaki du, deialdi horren eta Eloy Velasco epaileak debekatutakoaren artean loturarik ez dagoela iritzita.
Morenok Espainiako Poliziaren, Guardia Zibilaren eta Ertzaintzaren txostenak aztertu ditu erabakia hartzeko. Hori horrela, ez du datu objektiborik atzeman gaurko manifestazioa debekatutakoaren ordezkoa dela frogatzeko.
Epaileak gogorarazi duenez, manifestazioaren deitzaileak eta helburuak desberdinak dira bi kasuetan. Hori dela eta, ezin omen du loturarik egin gaurko manifestazioaren eta legez kanpoko erakunde baten artean.
Gainera, txosten horiek aztertuta, Morenok ezin du frogatu manifestazioa "ETA erakunde terrorista edo bere ekintzak goratzeko" egingo denik.
Hala eta guztiz ere, Morenok beharrezko neurriak hartzeko eskatu dio Espainiako Gobernuaren EAEko ordezkaritzari, ekitaldian ETAko kideen edo presoen argazkiak erakutsi ez ditzaten, legez kanpoko erakundeen irudiak erabil ez ditzaten, edo terrorismoaren biktimak mespretxatzeko lelorik entzun edo ikusi ez dadin.
Horietakoren bat ikusiz gero, ekitaldia desegiteko eta egileak identifikatzeko eskatu du Auzitegi Nazionaleko epaileak.
Fiskaltzak egindako eskaria
Morenok onartu egin du fiskalaren eskaria, AVTk eta Dignidad y Justiciak manifestazioa debekatzeko egindako eskakizunaren inguruko erabakia hartu aurretik, eta txostenak eskatu ditu.
Auzitegi Nazionaleko Fiskaltzak Poliziaren txostenak eskatu dizkio epaileari alderdi eta sindikatu abertzaleek "Giza-eskubideak. Konponbidea. Bakea" lelopean Bilbon deitu duten manifestaziorako deialdiaren inguruan, debekatutakoarekin zerikusirik ba ote duen argitzeko.
Ministerio Publikoak Ismael Moreno Auzitegi Nazionaleko epaileari egin dio eskaria, AVTk eta Dignidad y Justiciak manifestazioa debekatzeko egindako eskariari buruzko erabakia hartzeko.
Zure interesekoa izan daiteke
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" zegoelako
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek eta jada senda-agiria eman diotela. Ostiralean Gonzalez Amador Ayusoren bikotekidearen auziperatzea ezagutu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.