Epaileak espetxera bidali ditu EPPK-ko zortzi bitartekariak
Aurreko astean atxilotutako EPPK-ko zortzi bitartekariak baldintzarik eta bermerik gabe kartzelatzeko agindua eman du Eloy Velasco Auzitegi Nazionaleko epaileak, epaitegiko iturriek jakitera eman dutenez.
Miguel Angel Carballo fiskalaren eskaria onartu du horrela. Carballok ihes egiteko eta frogak deuseztatzeketao arriskuagatik eskatu du neurria, epaileak, atxilotuak galdekatu ostean, aintzat hartu du.
Arantza Zulueta, Jon Enparantza, Aitziber Sagarminaga, Egoitz Lopez de la Calle, Miren Aintzane Orkoaga, Jose Miguel Almandoz, Asier Aranguren eta Jose Luis Campo arratsaldean eramango dituzte Soto del Real espetxera.
Autoa
Eloy Velasco epaileak autoan dioenez, atxilotuek frogak suntsitu zituzten eta hiruk ihes egin nahi izan zuten Guardia Zibila Bilboko bulegoan sartu zenean. Azaldu duenez, agenteek "nahita txikitutako pen-drive bat" aurkitu zuten, eta atxilotuak dokumentuak suntsitzen ari ziren.
Gainera, "euskarri informatikoak aurkitu zituzten kuxinetan ezkutatuta", eta ETAk abenduan presoei helarazitako agiri bat ere atzeman omen zuten.
Hori dela eta, epaileak erakunde terroristako kideak izatea leporatzen die.
Epaileak autoan salatu duenez, abokatuen bulegoetan ustez "Koordinazio Taldea (KT)" osatzen zuten atxilotuek egindako bilerak "ezkutukoak" ziren, eta horrek agerian uzten du autonomia nahikoa zutela "ETAren beste alor bat" osatzen dutela pentsatzeko.
Bestalde, Valescok Zuluetari eta Enparantzari leporatu die taldearen "buruzagiak" izatea, eta H-Alboka auziagatik auzipetuta badaude ere, oraingoak "ETArekiko lotura desberdina" frogatzen duela azpimarratu du.
Gainera, Naia Zurriarain inputatu du epaileak erakunde terroristako kide izatea egotzita, eta datorren ostegunerako deitu du deklaratzera Asier Arzalluz Goñi presoari ETAren agiri bat helarazteagatik.
Lotura 'Tantaz tanta' ekimenarekin
Epaileak autoan azaltzen duenez, irailean Herrira plataformaren jarduera bertan behera geratu ostean, 'Tantaz tanta' ekimenak hartu zuen erakunde horren papera Koordinazio Taldeak aginduta.
Velascoren arabera, KT-k "2014-01-11rako deituta zegoen presoen aldeko mobilizazio nazionala igaro ondoren erakunde berri bat osatzen den arte, bere jarduerarekin jarraitzea eskatzen dio Herrirari".
Ez dira inkomunikatuta egon
Zortzi atxilotuak Guardia Zibilaren egoitzan egon dira gaur goizera arte, baina ez dira inkomunikatuta egon. Larunbatean uko egin zioten Guardia Zibilaren aurrean deklaratzeari.
ETAko preso ohiek Durangoko ekitaldi batean egindako kaltea aitortu eta EPPK-ko presoei, bide judizialak eta egindako mina onartu berri, babesa agertu eta bost egunera izan ziren atxiloketak.
Eztabaida Legebiltzarrean
Eusko Legebiltzarrak EPPK-ko bitartekarien atxiloketen kontrako ekimen bat eztabaidatuko du asteazkenean, Mahaiak EH Bilduren proposamena onartu ostean.
EAJk, EH Bilduk eta PSE-EEk onartu dute debatea bideratzea, eta PP kontra agertu da. Borja Semper bozeramaile popularraren ustez, "lotsagarria" da erakunde horrek polizia-operazio baten legezkotasunaren inguruan hitz egitea.
Gorka Maneiro UPyDren legebiltzarkide bakarra ez dago Mahaian, baina berak ere "lotsagarri"tzat jo du erabakia; izan ere, horren ustez, EH Bilduren proposamena "ez da inola ere premiazkoa".
Zure interesekoa izan daiteke
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta 1,03 milioi pertsonak dute botoa emateko eskubidea. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.