Uriartek ETAren desarmea eta espetxe-politika 'leuntzea' eskatu du
Juan Maria Uriarte Donostiako gotzain emerituak ETAri armak uzteko eta desegiteko eskatu dio, eta Espainiako Gobernuari, aldiz, espetxe-politika "leuntzeko", prozesua ez dadin "usteldu". Gainera, "biktima guztiei", gai direnean, "barkamena eskaintzeko" eskatu die, "bat eginda bizi nahi duen erkidego baten ehundura urratua berriro josteko".
Bilboko Arriaga antzokian Sabino Arana saria jaso aurretik hitz egin du Uriartek. "Bakeari eta adiskidetzeari egindako ekarpen garrantzitsuagatik, eta pertsona guzti-guztien giza eskubideen defentsa irmoagatik" eman diote aipatutako saria.
1998ko su-etenean Espainiako Gobernuaren eta ETAren "bitartekari" lanetan aritu zen gotzain emeritua. Haren ustez, "prozesua nahikoa geldituta dago, eta narriadura arriskua izan lezake". Dena dela, ETA ez da "lehengo indarkeria egoerara" itzuliko, Uriarteren aburuz, hori "ia ezinezkoa" baita.
Arrisku nagusia "prozesua usteltzea" dela adierazi du. Hori dela eta, hiritarrei, instituzioei eta Elizako agintariei eskatu die "prozesuko aktore nagusiei babesa emateko, 50 urteren ostean hainbeste behar dugun bake eta adiskidetze prozesu honetan lo hartu ez dezaten".
Uriarteren aburuz, usteltzea gertatu ez dadin, beharrezkoa den "pausoa" "guztiek" eman behar dute. Gotzainak uste du euskal herritar bakoitzak egin dezakeela "zerbait", gizarteko estamentu desberdinez gain (unibertsitateak, udalerriak, auzoak…).
ETAk, lehenik, armak utzi behar dituela esan du, "behin-betiko uzteko", eta deuseztatu egin behar dela. Baina, era berean, "gizartean egon daitezkeen bitartekari garrantzitsu guztien pausoekin bat egin behar du". Gobernuak, gainera, espetxe-politika "leundu, egokitu eta eguneratu" egin behar duela azpimarratu du.
Biktimentzat hitzak
Biktima guztientzat hitzak izan ditu Uriartek, eta onartu egin du haientzat zaila dela, "50 urteko epe gogor honetako alde urratua eta lazgarria" direlako, baina, ahal dutenean, "barkamena" emateko eskatu die.
"Eskuzabaltasun keinu zail eta mingarri hori oso garrantzitsua da batera bizitzea nahi duela erakutsi duen herri honen ehundura urratua berriro josteko", adierazi du.
Zentzu horretan, "bake soziala, adiskidetzea eta banakako nahiz taldeko giza eskubideak ez daude gotzain baten kezketatik at, nahiz eta erretiratuta egon", azpimarratu du.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.