Ertzaintzak ez duela torturatzen adierazi du Aresek epailearen aurrean
Rodolfo Ares Herrizaingo sailburu ohiak epailearen aurrean adierazi duenez, "Ertzaintzak ez du torturatzen" eta ez zuen hori egiteko inolako agindurik eman. Halaber, gaurko deklarazioan bere ohorea eta sinesgarritasuna, eta Ertzaintzaren profesionaltasuna eta lana babestu nahi izan dituela nabarmendu du.
Aresen aginduz Ertzaintzak atxilotu batzuk torturatu egin zituela esateagatik, duela hiru urte Herrizaingo sailburu ohiak Alfonso Zenon abokatuaren kontra jarritako salaketaren ahozko saioa izan da goizean.
Epaitzen ari diren gertaerak 2010eko urtarrilean gertatu ziren. Orduan, Ertzaintzak hainbat lagun atxilotu zituen Ondarroan, herriko Ertzain etxearen kontrako atentatua eta eraso terroristak egitea egotzita.
Alfonso Zenon Castro abokatuak Ertzaintzak, ustez, atxilotuei eman zien tratua gaitzetsi zuen, eta Aresen aginduetara zegoen Ertzaintzaren dibisio berriak torturatu egiten zuela salatu zuen.
Adierazpen horien ondotik, Aresek Zenon abokatuaren kontrako salaketa jarri zuen eta Bilboko 3. zenbakiko epaitegiak tramitera onartu zuen.
Atxilotuek kontatu zioten ustezko torturen kontakizuna egin du Alfonso Zenon abokatuak epailearen aurrean. Galdeketak bideoz ez grabatzea eta atxilotuek deklaratzen zuten bitartean bera aurrean ez izatea eta atxilotuei konfiantzazko medikuarekin hitz egiten ez uztea salatu du.
"Interesatzen dena orduan esan nuen esaldia baldin bada, ba bai; nire defendatuekin nuen betebeharra zen eta berriz ere tratu txarrak salatuko nituzke" . Dena den, bere asmoa ez zela Aresen eta beste inoren ohorea iraintzea azaldu du.
Epailearen aurrean deklaratu aurretik, kazetarien aurrean hitz egin du Rodolfo Aresek. Horren esanetan, abokatuak barkamena eskatzeko eta esandakoa zuzentzeko aukera izan du, baina ez du horrelakorik egin. "Torturarik ez dela izan frogatu da", gaineratu du. Bere ohorea eta sinesgarritasuna eta Ertzaintzaren profesionaltasuna eta lana defenditzea ezinbestekoa zela gaineratu du.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.