Urkulluk 'ezer gertatu ez balitz bezala' ari direnak kritikatu ditu
ETAk indarkeria uzten zuela iragarri zuenetik bi urte baino gehiago igaro direnean, "ezer aldatu izan ez balitz bezala" ari diren "sektoreak" kritikatu ditu gaur Iñigo Urkullu lehendakariak Madrilen. Horrez gain, espetxe politikaren inguruko "eztabaida zaratatsuak" ere gaitzetsi ditu.
"Azken bi urteetan ezer aldatu izan ez balitz bezala ari diren sektoreak ezin ditut ulertu. Immobilismoak ez du ezertan laguntzen", esan du Forum Europak Madrilen antolatutako gosari informatiboan.
Horren harian, espetxe politikaren inguruan "eztabaida zaratatsuak" egiten jarraitzea ere kritikatu du, eta "zentzuzkoena" elkarrizketari heltzea eta "akordiorik zabalenak" adostea izango litzatekeela gaineratu du.
"Gero eta gertuago gaude terrorismoaren amaiera lortzeko, baketik gero eta gertuago daude. Hartzekodunak eta zordunak nortzuk diren ondo dakit, baina bakeaz eta normalizazioaz ari gara", berretsi du.
Urkulluren hitzetan, bakea lortzeko "pauso finkoak" nahitaezkoak dira, "erantzukizunez erantzun behar diogulako aukera historiko honi". "Ez dut uste nahikoa egiten ari direnik", gaineratu du.
Horrekin batera, Euskadi "errealitate nazionaltzat" hartzea ere eskatu du.
Bilera Rajoyrekin
Bestalde, Urkulluk ez du argitu Mariano Rajoy Espainiako presidentearekin bildu den edo gaur bertan batzartuko den. "Izan bada edo izango bada, zuhurtziaz egingo dugu bilera, alde batek hala eskatuta".
Ekonomiari buruz, etorkizunari begira "positiboa" dela adierazi du Urkulluk, nahiz eta oraindik aurretik "bide luzea izan".
Zure interesekoa izan daiteke
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta 1,03 milioi pertsonak dute botoa emateko eskubidea. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.