Egiaztatzaileen Batzordea: 'Iragarpena urrats garrantzitsua izango da'
Ram Manikkalingamek zuzentzen duen Egiaztatzaileen Nazioarteko Batzordearen arabera, ostiral honetan egingo duten iragarpena "urrats garrantzitsua eta positiboa" izango da ETAren amaieraren bidean.
Aurrerapauso hori ETAk armak ezkutatzeko erabiltzen dituen ezkutaleku batzuen kokapenaren edo itxieraren berri ematea izan liteke, Europa Press agentziak zabaldu duenez.
Egiaztatzaileen Nazioarteko Batzordeak ostiral honetan egingo du agerraldia, Bilboko Carlton Hotelean, 14:00etan. Bake-prozesua zein egoeratan dagoen azalduko dute, oro har, baina gai nagusia ETAren desarmea izango da.
Agerraldian izango diren Egiaztatzaileen Nazioarteko Batzordeko kideak ondoko hauek dira: Ram Manikkalingam Dialogue Advisory Group erakundeko zuzendaria eta Sri Lankako presidentearen aholkularia Tigre Tamilekin izandako negoziazioetan; Chris Maccabe Hegoafrikako Defentsa eta Inteligentzia ministroorde izandakoa; Ronnie Kasrils Erresuma Batuak Ipar Irlandan duen Bulegoko zuzendari politiko eta Espetxeetako buruzagi izandakoa; Satish Nambiar Nazio Batuen Erakundeko (NBE) idazkari nagusiaren ordezkari ondoko eta NBEk Jugoslavia ohian izan zuen Misiorako buruzagi eta komandante izandakoa; Aracelly Santana NBEren Nepalerako misioko burua eta Fleur Ravensbergen Dialogue Advisory Group taldeko zuzendariordea.
Egiaztatzaileak ostegunean helduko dira Euskadira, eta, antza denez, bilerak egingo dituzte hainbat alderdirekin eta ordezkari instituzionalekin.
Hurrengo egunean, ostiralean, ETAren desarme konpromiso bat eskainiko omen dute. Iazko martxoan, egiaztatzaileek erakunde armatuko ordezkariekin zituzten hartu-emanak bertan behera utzi zituzten, desarmerako bidean aurrerapausorik lortu ez zutelako. Armak entregatzeko konpromisoa lortu ezean, euren lana bertan behera utziko zutela ohartarazi zuten aldez aurretik.
Europa Press agentziak zehaztu duenez, egiaztatzaileek hartu-emanak izan dituzte ETArekin, eta, ostiralean, "aurrerapauso garrantzitsu eta positibo" baten berri emango dute.
Hilaren 8an, aurki "ekarpen garrantzitsuak" egingo dituela aurreratu zuen ETAk.
Martxoaren 1ean, Lokarrik eta Bake Bideak Bakearen aldeko Foroa antolatuko dute Baionan, eta Brian Currinen taldeak parte hartuko du bertan.
Zure interesekoa izan daiteke
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta 1,03 milioi pertsonak dute botoa emateko eskubidea. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.