ETAk armak erabili ezinik uzteko prozesua hasi du, desarmearen bidean
Desarmea helburu, ETAk armak erabili ezinik uzteko prozesua hasi duela jakinarazi du ostiral honetan Egiaztatzaileen Nazioarteko Batzordeak. Prozesu horren erakusgarri den bideoa grabatu dutela eta erabili ezinik utzitako arma eta lehergailuen inbentario ofiziala eginda dagoela zehaztu du. Bideoa BBCk argitaratu du, Egiaztatzaileen Nazioarteko Batzordea agerraldia egiten ari zela.
Prozesu horren iraupenaz eta epeez ez dute xehetasunik eman, baina urrats berri honek ETAren erabateko armagabetzea ekarriko duela ziur agertu dira egiaztatzaileak. Ildo horretan, Iñigo Urkullu lehendakariak esan du "pausu txikia" dela, "eznahikoa", baina, aldi berean, "ezinbestekoa desarme osoa burutzeko".
Jorge Fernandez Diaz Barne ministroak onartu du armak entregatzeko helburuarekin ematen diren urratsak "positiboak" direla, baina Egiaztatzaileen Nazioarteko Batzordearen ekarpena beharrezko ez dela erantsi du.
"ETAk armak benetan entregatu nahi baditu, ez du egiaztatzaileen beharrik; bere ezkutalekuen koordenadak Poliziaren eta Guardia Zibilaren esku uztearekin nahikoa dauka".
Agerraldia
Azken egunotan ikusmin handia piztu duen agerraldia 14:15 inguruan hasi da Bilboko Carlton Hotelean. Ram Manikkalingamek agiri bat irakurri du, ingelesez eta gazteleraz.
"ETAk arma, munizio eta lehergailu kopuru jakin bat erabili ezinik utzi ditu, eta hori guztia bideo batean grabatuta dago. Era berean, erabili ezinik utzitako arma horien inbentarioa eginda dago", azpimarratu du Manikkalingamek.
2013ko apirilean, armak erabili ezinik uzteko prozesua egiaztatzeko eskaera luzatu zion ETAk Egiaztatzaileen Nazioarteko Batzordeari. "2013ko irailean, ETAk prozesu horretan urratsa emateko prest zegoela jakinarazi zigun eta urrats hori 2014ko urtarrilean gauzatu zuen, Batzordearen aurrean", azaldu du.
Gauzak horrela, Batzordeak nabarmendu du ETAk hasitako prozesua "sinesgarria" eta "garrantzitsua" dela. "ETAk dituen arma, munizio eta lehergailu guztiak erabili ezinik uztera eramango duen prozesua izango da", erantsi du.
"Beste prozesu batzuetan daukagun esperientzia aintzat hartuta, arma eta lehergailu batzuk erabili ezinik utzi eta inbentarioa egin izana erabateko desarmea ekarriko duen ezinbesteko urratsa da", adierazi du Manikkalingamek. Ildo horretan, eragile politiko eta sozial guztien babesa eskatu du.
Amaitzeko, Egiaztatzaileen Nazioarteko Batzordeak "determinazio osoz" eta "partzialtasunik gabe" lanean jarraituko duela berretsi du, behin betiko bakea lortzeko asmoz.
BBCren bideoa
BBCk argitaratutako bideoan ETAko bi kide azaltzen dira zenbait arma eta lehergailuak egiteko materiala Egiaztatzaileen Nazioarteko Batzordeko Ram Manikkalingam eta Ronnie Kasrils ordezkarien esku utzita.
Bideoaren iraupena minutu bat eta 30 segundokoa da. Izara zuri batekin estalitako mahai batean agertzen dira aipatu armak eta lehergailua egiteko materiala. Mahiaren albo batean ETAren anagrama txiki bat ikus daiteke eta atzeko horman Picassoren Guernica obraren erreprodukzio bat.
Inbentarioa konprobatu ostean, ETAko kide batek erakunde armatuaren zigilua jartzen dio eta jarraian Manikkalingamek sinatzen du dokumentua.
Bilerak lehendakariarekin eta alderdiekin
Ram Manikkalingamek, Ronni Kasrilsek, Chris Maccabek, Satish Nambiarrek, Fleur Ravensbergenek eta Aracelly Santanak osatutako batzordeak bilera-sorta egin dute gaur goizean. Carlton Hotelean egindako agerraldiaren aurretik Iñigo Urkullu lehendakariarekin, Sorturekin eta Alderdi Sozialistarekin batzartu dira.
Datozen orduetan Egiaztatzaileen Nazioarteko Batzordeak lanean jarraituko du eta alderdi politikoekin, sindikatuekin, patronalarekin eta eragile sozialekin bilduko da.
Atzemandako armak
ETA erabili ezinik utzitako armak eta materiala ondoko da: 16,4 kilo lehergai (pentrita, kloratita eta sodioa), lau arma (fusil bat, subfusil bat eta bi pistola), 300 bala, granada bat, bi tenporizadore eta 180 metro hari detonatzaile.
Zure interesekoa izan daiteke
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.
Nafarroako Parlamentuak atzera bota ditu UPNk eta PPk Korrikaren aurka aurkeztutako bi adierazpen instituzional
Taldeen bozeramaileek agerian utzi dituzte euren arteko desadostasunak, euskararen aldeko lasterketan ETAko presoen argazkiak erakustearen eta Korrikaren beraren inguruan.