Bukatu da egiaztatzaileen deklarazioa Auzitegi Nazionalean
Deklaratzera deituta zeuden Egiaztatzaileen Nazioarteko Batzordeko hiru kideek bukatu dute deklaratzen Auzitegi Nazionalean, Ismael Moreno epailearen aurrean. Ram Manikkalingam, Ronnie Kasrils y Chris Maccabe taxian iritsi dira, 09:45ean (10:00etan zuten hitzordua), eta adierazpenik egin gabe, zuzenean sartu dira bigarren Instrukzio Epaitegira.
Mannikkalingam izan da lehendabizikoa deklaratzen, 11:15 inguruan amaitu du. Ondoren, Kasrils hasi da Morenoren aurrean azalpenak ematen, eta honek ere ordubete inguru eman du hitz egiten. Hirugarrena, Maccabe, 12:15ean hasi deklaratzen eta dagoeneko bukatu du.
Auzitegi Nazionalak deklaratzera deitu zituen atzo Egiaztatzaileen Nazioarteko Batzordeko kideak, armagabetzea egiaztatzeko bileran parte hartu zuten ETAko kideak non diren esateko.
Iñigo Urkullu lehendakaria 08:00etan bildu da hiru kideokin, ANean lekuko bezala deklaratu aurretik babesa emateko. Lehendakaritzatik zabaldu dutenez, Urkullu Madrilera joan da eta hiriburu espainiarreko hotel batean egin du bilera, hiru egiaztatzaileekin. Litekeena da deklarazioa bukatzean lehendakariarekin berriro biltzea. Jonan Fernandez Eusko Jaurlaritzaren Bake eta Bizikidetzarako idazkari nagusia ere Madrilen da, egiaztatzaileei babesa adierazten.
Ram Manikkalingamek, Ronnie Kasrilsek eta Chris Maccabek ANnren agindua atzo jaso zuten. Batzordetik jakinarazi dutenez, aipatutako hirurek hegazkinez abiatu ziren Madrilerantz atzo arratsean, gaur goizean epailearen aurrean deklaratzeko.
Ram Manikkalingam (Sri Lanka), Ronnie Kasrils (Hegoafrika), Chris Maccabe (Erresuma Batua), Satish Nambiar (India), Fleur Ravensbergen (Holanda) eta Aracelly Santana (Ekuador) atzo ziren joatekoak euren herrialdeetara, Loiuko aireportutik abiatuta.
Manikkallingamek, Pariserako hegaldi bat hartzeko Loiuko aireportuan zela, jaso zuen zitazioa, Poliziaren eskutik. Deklaratuko duten beste bi egiaztatzaileak Bilboko hotel batean zeuden, Poliziak ANren erabakiaren berri eman zienean.
Zitazioak jasotakoan, Manikkalingam, Kasrils eta Maccabe aireportuan elkartu ziren eta, bertan, Madrilerako joateko izapideak abiarazi zituzten.
Ostiralean Bilbon parte hartu zuten Batzordeko beste bi kide Fleur Ravensbergen eta Aracelly Santana dira, baina ez dira Madrilen izango beste kideekin; Ravensbergenek bere herrialderako hegaldia hartu ahal izan zuen, eta Santana ez dute oraindik topatu, Poliziak zabaldu duenez.
Satish Nambiar indiarra, Batzordeko seigarren kidea, ETAren iragarpena zabaltzeko agerraldian parte hartu ez zuen bakarra da, beraz, ez zegoen Euskal Herrian.
Auzitegi Nazionalak Ertzaintzari, Polizia Nazionalari eta Guardia Zibilari igorri zienagindua, Fiskaltzak Terrorismoaren Biktimen Kolektiboak (Covite) Batzordeko kideak deklaratzeko eskaera aintzat hartu eta gero.
Fiskaltzaren arabera, oinarri nahikoa zegoen egiaztatzaileek ETAko kideen nortasunaren eta hitzordua izan zuten lekuaren inguruko informazioa emateko eta, halaber, non dauden esateko izan ditzaketen datuak jakinarazteko.
ETAk BBC katearen bidez bideo bat zabaldu eta gero egin zuen eskera Covitek. Bideoan, ETAko bi kide ageri dira, Manikkalingami eta Kasrilsi indargabetutako armen inbentarioa ematen.
Jonan Fernandez: "ulertzeko zaila da"
Jonan Fernandez Eusko Jaurlaritzaren Bake eta Bizikidetzarako idazkari nagusiaren esanetan, "Auzitegi Nazionalaren erabakia ulertzeko zaila da", eta Gobernua ez dela ETAren desarmea errazteko ezer egiten ari ohartarazi du.
Radio Euskadiri egindako elkarrizketan, Euskal Herrian "egoera paradoxikoa" bizi dela nabarmendu du; "izan ere hainbat hamarkadatan indarkeria erabili duen ETA erakundeak armak entregatu nahi dituela adierazi du, eta Estatua ez da prozesu hori errazteko ezer egiten ari".
EH Bildu
Pello Urizar EH Bilduko legebiltzarkide eta EAko idazkari nagusiak adierazi duenez, ANren erabakiaren bidez, Estatuak "nahastea, adarra jotzea, oztopatzea eta boikot egitea" du helburu, bere "egia, kosta ahala kosta" ezartzeko.
Twitter sare sozialean duen kontuan egindako adierazpenen arabera, Urizarrek Moreno epailearen erabakia kritikatu du, "munduak norabide bat hartu duen bitartean, Espainiak kontrakoa hartu du".
Lokarri: "Egoera nahasteko gogoa dute"
Paul Rios Lokarri akordioaren eta kontsultaren aldeko herritarren sareko koordinatzaileak Auzitegi Nazionalaren erabakia gaitzetsi du twitter bidez. Riosen esanetan, erabaki horrek bake prozesua "nahasteko eta trabatzeko" helburua du.
"Zentzugabekeria" izan dela adierazi ostean, Riosek, gainera, "hain epe laburrean" deitzea zalantzan jarri du; bere ustez, Auzitegi Nazionalak uste badu "ekarpenen bat egin dezaketela, eta pertsona horiek kolaboratu dezaketela, epe luzeago baten egin zezakeen".
Zure interesekoa izan daiteke
Sanchezen esanetan, ezin da zigorgabetasunik egon ustelentzat, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan bere Gobernuko eta alderdiko zenbait kideri eragiten dieten praktika ustelen berri, eta ezagutzekotan, ez lituzkeela onartuko.
Moncloak azpimarratu du pertsona batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.