Bake prozesuan inplikatzeko konpromisoa helarazi du Powellek
Jonathan Powell Tony Blairren kabineteko buru ohia bake prozesuan inplikatuta jarraitzeko konpromisoa helarazi du asteazken honetan. Gaur bertan iritsi da Euskal Herrira, ETAk desarmatzeko lehenengo pausoa eman ondoren, bake prozesuaren egoeraren berri bertatik bertara jasotzera. Arratsalde-gauean zehar, Iñigo Urkullu lehendakariarekin, EAJrekin, Sorturekin eta PSE-EErekin bildu da.
Radio Euskadik jakin izan duenez, lehenik Iñigo Urkullurekin batzartu da eta, ondoren, alderdi politikoekin. Informazioa jaso eta egoera aztertzera etorri da Powell eta, solaskideei helarazi dienez, prozesu konplexu eta ezezagun baten aurrean gaude, Espainiako Gobernuak agerian utzi duen axolagabetasunagatik. Radio Euskadiko iturri ezberdinen arabera, ETAren amaiera ordenatu baten alde lan egiten jarraitzeko apustua egin du, eta ahalik eta leialtasun, zuhurtzia eta ETAri exijentzia handienarekin aritzeko beharra azpimarratu du. ETAren desarmearen hasiera positibotzat jo du, baina aitortu egin du sortutako aurreikuspenen harian zerbait gehiago espero zela.
Ildo horretan, Europa Pressen iturrien arabera, ETAri exijentzia handiagoz aritu beharra dagoela helarazi du Powellek, etorkizunean pausoa ''sendoagoak'' eman ditzan. ''Entzutera etorri da gehiago, proposamenak egitera baino'', gaineratu dute iturri horiek.
Powell 15:00ak baino minutu gutxi batzuk lehenago heldu da Euskal Herrira. Urkullurekin batzartu ondoren, Andoni Ortuzar eta Joseba Aurrekoetxea jeltzaleekin izan da Powell. Rufi Etxeberria (Sortu) eta Rodolfo Ares (PSE-EE) ere solaskide izan ditu.
Hasiera batean, Lokarrik antolatutako ekitaldi batean parte hartzea aurreikusi zegoen. Kolektiboa Donostian bildu nahi zituen 2011eko urriko Aieteko Konferentzian parte hartu zuten pertsonak. Halere, hitzordu hau bertan behera geratu zen "une egokia" ez zela uste izanda. Powellek Aieten egitekoa zen goi-bileran parte hartzeko asmoa zuen, baina bertan behera utzi dute, oraingoz. Hala, ETAren azken "keinua" eta Auzitegi Nazionalak egiaztatzaileak deklaratzera deitu izana izango ditu hizpide nagusi.
Nazioarteko Harreman Taldea
Nazioarteko Harreman Taldea ere bertan izango da ostegunetik aurrera. Powellek bezalaxe, bilerak egingo ditu Brian Currin abokatu hegoafrikarra buru duen taldeak, eta ostiralean Ipar Euskal Herrian izango da, Bake Bideak eta Lokarrik Baionan antolatu duten Bake Foroa prestatzeko.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.