Currin: 'Franziak eta Espainiak parte hartzea ezinbestekoa da'
Lokarrik eta Bake Bideak antolatuta, Bake Foroa egin dute Baionan, nazioarteko zenbait adituren partehartzearekin, besteak beste, Brian Currin eta Harremanetarako Nazioarteko Taldeko (HNT) beste hiru kide.
Foroak Foro Sozialaren Aholkuen aplikazioan sakontzea izan du helburu, bakegintzan eta elkarbizitzarako bidean aurrea egiteko Euskal Herrian. Beste helburuetako bat "herritarren partehartzea bake prozesuan bultzatzea da".
"Prozesu berezia" eta "inoiz ikusi gabekoa" hitzekin definitu dute nazioarteko adituek Espainia eta Frantziako Gobernuen jarrera.
Brian Currin abokatu hegoafrikarrak ekin dio goizeko saioari. Bere hitzaldian, Espainiako eta Frantziako gobernuean partehartzea ETAk abiatutako prozesuan ezinbestekoa dela esan du. Currinek ez ezik, HNTko beste hiru kidek ere hitzaldi bana eskaini dute: Sylvia Casale, Pierre Hazan eta Raymond Kendall adituek.
Nazioarteko taldeak jasaten ari diren judizializazioari garrantzia gehiegi ez diote eman nahi izan. Currinek esan du polizia aurreko deklarazioa Frantziako Gobernuari parte hartzea eskatzeko balio izan duela. Estatuei ezin zaie prozesua blokeatzeko giltza eman, uste dute bertaratutakoak, "alde bakarrekotasun ahalik eta zabalanez egin behar da aurrera, alegia Euskal Herriko gizarteko eragile, alderdi politiko eta bestelakoak elkartuta egin behar da aurrera".
Foro Sozialaren aholkuetako bat "oinarrizko akordioak lortzea" da "bake prozesuko erronka nagusiei aurre egiteko"; esaterako, "ETAren armagabetzea eta egitura militarren desegitea, presoen eta ihesitakoen bergizarteratzea, Giza Eskubideak bermatzea, geratutakoari aurre egin eta etorkizuneko elkarbizitzako oinarriak ezarri".
Currinek Foro Sozialaren aholkuak jarraitzeko testuinguruaz hitz egin du; Kendallek aholkuen aplikazioari buruzko mahai-inguru batean parte hartuko du; Casale 'Preso dauden pertsonak eta gatazken konponbidea'z mintzatuko da eta Hazanek 'Nazioarteko Justizia, egia eta adiskidetzea' izango du hizpide.
Gainera, gaurko jardunaldietan, besteak beste, Veronique Dudouet gatazkak konpontzeko prozesuetan doktore eta Berghof Fundazioko ikertzailea; Aaro Suonio nazioarteko segurtasunean eta krisien kudeaketan aditu eta Ipar Irlandako Armagabetzerako Nazioarteko Batzordeko Kabinete burua; Henri D'Uhalt Paueko Apelazio Auzitegiko eopaile ohi eta Foro Soaziala bultzatzeko Batzordeko kidea izan dira.
Halaber, honako hauek ere parte hartu dute Foroan: Paul Rios Lokarriko korrdinatzaileak; Anaiz Funosas Bake Bideko ordezkariak, eta Jean-Pierre Massias Zuzenbide irakasle eta Nazioarteko Justiziako Elkarte Frankofonoko presidenteak.
Zure interesekoa izan daiteke
Hauteskunde eguna dute Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.