PSE: 'Urkijoren kargugabetzea galera bat da biktimentzat'
Idoia Mendia PSEko bozeramaileak Eusko Jaurlaritzak Txema Urkijo kargutik kendu izana deitoratu du. "Urte askotan terrorismoaren biktimei bere konpromisoa eta dedikazioa erakutsi die", nabarmendu du.
Iñigo Urkullu lehendakariak Txema Urkijo Biktimen Arretarako Bake eta Bizikidetzako Idazkaritza Nagusiaren Aholkularia kargutik kentzea erabaki du, azken horrek ETAko preso baten karta bat biktima bati eman ez diola aitortu ostean.
Ohar batean, PSEk azaldu duenez: "Geure herrialdean zuzenean terrorismoaren erasoa bizi izan dutenek lortu duten aitorpen soziala eta instituzionala ez da ulertzen Txema Urkijok garatutako lanarik gabe, Maixabel Lasaren zuzendaritzapean eta Jaime Arreseren laguntzapean.
Semper: 'Urkulluk Urkijoren akatsa aprobetxatu du paretik kentzeko'
Borja Semper Eusko Legebiltzarreko PPko bozeramaileak asteazken honetan esan duenez, Txema Urkijoren "akatsa" biktima bati zuzendutako ETAko preso baten karta ez ematean "lehendakariak aprobetxatu du" gaur arte Bake eta Bizikidetzako euskal Idazkaritzako koordinatzailea "paretik kentzeko".
Lehendakaritzatik jakitera eman dutenez, "erabaki honen arrazoiak oinarritzen dira Bake eta Bizikidetzarako Idazkaritza Nagusiaren lan amankomuneko metodologiaren ezaugarri izan behar direnetan, eta orain arte berauen irakurketan eta gauzatzean egiaztatu diren ezberdintasunetan".
Gasteizen emandako prentsaurrekoan, Semperren hitzetan, Urkijok "politika eta kudeaketa akatsa" egin zuen karta ez ematean. Halaber, Iñigo Urkullu lehendakariak hori "aprobetxatu" egin duela adierazi du, "Jonan Fernandezekin alderatuta jarrera ezberdinak dituen pertsona paretik kentzeko".
"Lehendakariak Jonan Fernandezen jarrera politikoaren alde egin du, Txema Urkijok defendatzen duena, aurreko Gobernu sozialistatik gertukoagoa, kaltetuz", azaldu du PPko bozeramaileak.
Urkijoren irteerarekin Eusko Jaurlaritzak "aniztasuna eta egoerari buruzko ikuspegi zabala galtzea" deitoratu du Semperrek.
Maixabel Lasa: 'Biktimek nor jarriko den eurekin harremanetan galdetzen dute orain'
Maixabel Lasa ETAk hil zuen Juan Maria Jauregui Gipuzkoako gobernadore zibilaren alargunaren ustez, Txema Urkijoren kargugabetzea "ikaragarria" da, eta biktima batzuek orain norjarriko den eurekin harremanetan galdetzen dutela adierazi du.
Lasa hamaika urtez Eusko Jaurlaritzako Biktimen Arreta-Bulegoaren zuzendaria izan da, eta, Txema Urkijorekin batera lan egin du ia hamarkada batean; Iñigo Urkullu lehendakarariaren erabakia deitoratu du.
"Orain biktimak Eusko Jaurlaritzarengatik umezurtz sentitzen dira, Txema Urkijo zelako eurekin harremana zuen pertsona bakarra", nabarmendu du.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.