Urkijok eta Fernandezek 'bateraezintasunei' egotzi diete kargugabetzea
Txema Urkijo Bake eta Bizikidetzarako Idazkaritza Nagusiko aholkulari ohiak esan du Urkulluren Gobernuak "nolabaiteko defizita" daukala terrorismoaren biktimekiko, talde horri “keinu” bat egitea falta zaiola argudiatuta.
Urkijok agerraldia egin du hedabideen aurrean, atzo Iñigo Urkullu lehendakariak kargutik kentzea erabaki ondoren.
Covite biktimen elkarteak Urkijoren dimisioa eskatu zuen, Pikabea ETAko presoak biktima bati igorritako eskutitz bat gordetzea leporatuta.
Eskari hori “kointurala” izan dela nabarmendu du Urkijok gaur, eta bere kargugabetzearen arrazoia ez dela hori izan azpimarratu du.
Aholkulari ohiak salatu duenez, legealdiaren hasieratik “ostrazismo” egoeran izan da Urkijo eta, apurka-apurka, lantaldetik kanpo utzi egin dute. Azken asteetan ez duela inolako informaziorik jaso edota hausnarketa prozesuetan ez zuela parte hartzen kritikatu du.
Jonan Fernandez Bake eta Elkarbizitzarako idazkariarekin lan metodologian "desadostasunak" izan dituela aitortu du Urkijok. "Jonanen irizpidea gailendu egiten zen beti. Inposatu egiten zen".
"Ez genuen bat egiten lan talde kontzeptuarekin. Barne desadostasunen ondorioz, biktimekin zerikusia zuten hainbat ekimen bertan behera geratu zirela esan du Urkijok.
Lan-irizpideak
Bestalde, Jonan Fernandez Eusko Jaurlaritzako Bake eta Bizikidetzarako idazkari nagusiak ukatu egin du Txema Urkijo Biktimen Arretarako aholkularia "desadostasun politikoak" tarteko kargugabetu izana, eta desadostasunak lan-irizpideen inguruan izan direla gaineratu du.
Bake eta Bizikidetzarako idazkariak gezurtatu egin du euren nortasunak "bateragarriak" ez izatea, eta goratu egin du Urkijok azken legegintzaldietan giza eskubideen alde egindako lana.
Fernandezen esanetan, Urkijok biktima bati ETAko preso baten gutuna eman ez izana "garrantzitsua" izan da kargugabetzea erabakitzeko, baina ez da izan arrazoi nagusia.
Zure interesekoa izan daiteke
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.