Ozaetak, Suberbiolak eta Salaberriak 'Thierry' goraipatu dute
Parisko Krimen Gaietarako Auzitegiak abiarazi du dagoeneko Ainhoa Ozaeta, Igor Suberbiola eta Jon Salaberriaren kontrako epaiketa; lehenengo biei ETAko agintari izatea leporatuta, iaz hil zen Xabier Lopez Peña Thierry-ri (haiekin batera atxilotu zuten) bezala.
Hiru akusatuek, eta Ainhoa Ozaeta Kuraia Thierry-ren bikotekideak batez ere, ETAko buruzagi ohiari omenaldia egin nahi izan diote epaimahaiaren aurrean. Horrela, laudorioak eta salaketak uztartu dituzte. Lopez Peñaren desagerpenean Frantziak jokatutako papera salatu dute hirurek.
2008ko maiatzaren 20an, Bordelen, atxilotu zituztenean Lopez Peña eurekin "borrokan" ari zela adierazi du Ozaetak. Ozaetaren hitzetan, Thierry "iraultzailea" eta "uste sendoko" gizona zen. Akusatuen aulkian eserita egongo balitz, ETAn "militantzia onartuko" zukeela azaldu du Ozaetak, hirurok egin bezala.
39 urteko emakumeak salatu duenez, Thierry-ren heriotza "Frantziako espetxeetako arduradunen erantzukizuna izan zen".
Era berean, Lopez Peñaren heriotza salatu du Igor Suberbiola Zumalde (35 urte) Kartxi-k. Frantziak "Espainiako Estatuaren politika errepresibo bera" aplikatzen duela salatu du Suberbiolak.
Jon Salaberria Sansieneak (44 urte) euskaraz hitz egin du eta laburrago mintzatu da.
Txostena
Jacqueline Audaz Auzitegiko presidenteak Ainhoa Ozaeta, Igor Suberbiola eta Jon Salaberria inputatzeko sumarioa laburtzen duen txostena irakurri du epaiketan, lehenik eta behin.
Presidenteak haiei leporatu dizkieten delituen zerrenda irakurri du; delituen artean nabarmenena da ETAko agintari izatea. Ozaeta eta Suberbiolari egotzi diete delitu hori eta 20 urteko kartzelaldia da zigorra, astungarririk ez badago.
Ozaeta Mendikutek (39 urte), Suberbiola Zumaldek (35) eta Salaberria Sansineneak (44) bost asteko epaiketa dute aurretik, Louis Fort (81 urte) erretiroa hartu duen irakasle frantziarrarekin batera; Fort aske dago, Bordelen horiek erabiltzen zuten etxebizitza klandestinoa lortzeagatik inputatuta.
Thierry 2013ko martxoaren 30ean hil zen, 54 urte zituela, eta preso zegoela, bihotzeko arazoak tarteko. ETAko agintari izatea eta informazioa batzeko egituraren arduradun izatea egotzi zioten hari ere.
Sumarioa Bordelen zuten etxebizitza klandestinoan atzemandako agirietan oinarritu dute.
Orain epaitzen ari diren hirurak eta Lopez Peña aurretik ere epaitu dituzte Frantzian, eta baita zigortu ere, ETAko kide izateagatik.
Ozaetak 14 urteko zigorra jaso zuen iaz, eta oraingo epaiketan leporatu dizkioten hamar delituengatik jaso lezakeen zigorra ere gehitu beharko lioke aurreko zigorrari.
Suberbiolari, besteak beste, agintari lanak egitea egotzi diote. Bi urteko zigorra jaso zuen 2007an, eta 30 hilabeteko zigorra ezarri zioten 2011n.
Ekainaren 12ra arte luzatzea espero dute, egun horretan epaia jakinarazi beharko lukete.
Zure interesekoa izan daiteke
Podemos Euskadi: "Zein erraza den bizikidetzaz aritzea jauregi batetik egiten duzunean"
Podemos Euskadik Felipe VI.aren Gabonetako hitzaldia kritikatu du. Leticia Jimenezek azaldu duenez, elkarbizitzan oinarritu da hitzaldia, gehiengo sozialaren benetako arazoak alde batera utziz.
Euskadiko PPren ustez, Espainiako erregearen hitzaldia "lezio bikaina" da demokratentzat
Euskadiko Alderdi Popularreko idazkari nagusi Esther Martinezen ustez, Felipe VI.a Espainiako erregearen Gabon gaueko hitzaldia "lezio bikaina" izan zen demokratentzat, demokrazia eta askatasuna defendatzeko egindako deiagatik. "Herritarren erantzukizunari dei egiteko lezio baliotsua, askatasunean oinarritutako bizikidetzatik abiatuta, erronkak eraiki eta aurre egin ahal izateko", ziurtatu du.
EAJk faltan bota ditu diktadurari, euskal eta kataluniar nazioei eta euskarari buruzko aipamenak Erregearen diskurtsoan
Maribel Vaquero EAJk Kongresuan duen bozeramaileak Felipe VI.aren Gabonetako diskurtsoan hainbat hutsune somatu dituela esan du, besteak beste, frankismoaren amaierari eta diktadura eta Trantsizioko dokumentuak desklasifikatu beharrari buruzko erreferentzia esplizituagoa, baita euskal eta kataluniar nazioaren aitortza ere. Vaquerok ere deitoratu du Erregeak ez aipatzea euskararen erabilerari lotutako azken eraso eta eztabaidak, aurten garrantzi berezia izan dutenak.
Mazonek Feijoori bidalitako mezuak, Goidiaren egunean: "Hau hondamendi bat izango da, presi"
Carlos Mazon Valentziako Generalitateko presidente ohiak Alberto Núñez Feijoo popularren buruzagiarekin hitz egin zuen Goidiaren egunean, 20:08tik 23:29ra. Gauak aurrera egin ahala aitortu egin zion: "Hondamendi itzela izango da hau, presi".
Felipe VI.ak eztabaida politikoan tentsioak sortzen duen gogaitasunaz ohartarazi du eta elkarrizketa eskatu du elkarbizitza "hauskorra" babesteko
Gabonetako Mezua, bere erregealdiko laburrena, ezohiko formatuan eta tonu zuzenean egin du. Errege Jauregiko zutabe-aretotik, konfiantza-krisia, erakundeen eredugarritasuna eta herritarrak kezkatzen dituzten arazo nagusiak izan ditu hizpide.
Euskararen aurkako "oldarraldia marra gorri guztiak gainditzen" ari dela salatu du EH Bilduk
Euskalgintzaren Kontseiluak larunbat honetarako Bilbao Arenan antolatu duen ekitaldian parte hartzeko deia egin du koalizio subiranistak, "euskaltzaleen indar eta batasun erakustaldiarekin" bat egiteko.
Jon Insausti: "Politika ez da pankartetatik edo sare sozialetatik egiten"
Urriaren 29an hartu zuen Gipuzkoako hiriburuko aginte-makila, Eneko Goiak uko egin ostean, baina dio ez duela "minutu bat ere" galdu.
Ibarrola eta Garcia Adanero Iruñeko zinegotzien dimisioa eskatu dute, "diskurtso xenofoboak" egiteagatik
EH Bildu, Geroa Bai eta Contigo-Zurekin taldeek egindako dimisio eskaera babestuko du PSNk. Sexu-eraso bat leporatzen zitzaien gizonen eta Udal Gobernuaren aurka, "kontrastatu gabe eta zorroztasunik gabe, gezurrak eta faltsukeriak" zabaltzea leporatu diete Ibarrolari eta Garcia Adanerori.
Eusko Legebiltzarrak "eztabaidak errespetuz" egiteko deia egin du, De Andresi aipamen berezirik egin gabe
PPko presidenteak EH Bilduren "sarraskia" etorriko zela esan ondoren, koalizio abertzaleak babesa eskatu zion Legebiltzarreko Mahaiari baina honek ez dio zigorrik ezarri De Andresi.
Frankistek torturatutako Txomin Letamendiren oroimena gordetzearen alde mintzatu da Pradales
Imanol Pradales lehendakaria Txomin Letamendi gudariaren memoriaren alde mintzatu da astelehen honetan, frankismo garaian jasan zituen tortura basatien ondorioz hil zela 75 urte bete direnean.