Dispertsioak 25 urteotan eragindako 'sufrimendua' salatu du Etxeratek
Etxeratek dispertsioak eragindako "sufrimendua" salatu du, ostegun honetan, era "orokor, sistematiko eta kolektibo batean" aplikatzen hasi zela 25 urte betetzen direnean.
Etxeraten hitzetan, "Espainiako Gobernuak 1989 urtetik aplikatzen duen neurri honek ehunka istripu eragin ditu martxan jarri zenetik, eta, istripu horietan, 16 lagun eta senide izan dira bizitza errepidean galdu dutenak; bisitetatik joan-etorrian". Horregatik, elkarteak argi du istripu horiek "ez direla kasualitatea, kausalitatea baizik", gaineratu du.
Dispertsioak eskubide urraketa "bikoitza" suposatzen duela salatu du Etxeratek, Donostian egindako agerraldian. Urtzi Errazkin elkarteko bozeramaileak azaldu duenez, "sistema honek presoen eskubideak urratzeaz gain, senideen eskubideak ere urratzen dituelako". Horrela, "presoak isolatu, bakartu, kolpatu, urrundu eta mediku arretarik gabe uzten" dituztela salatu dute senideek.
Etxeratek salbuespen neurri politiko hau pairatu duten euskal herritarrak milaka izan direla nabarmendu du. Adierazi duenez, "1989an hiru espetxetan egotetik, 78 espetxetan egotera pasatu dira".
491 preso politiko, 78 kartzelatan sakabanatuta
Elkartearen datuen arabera, lau euskal preso politiko bakarrik daude Euskal Herrian preso. Horrela, kartzelan dauden 491 preso politikoetatik 51 Espainiako kartzeletan daude, eta, 27 Frantziakoetan. Halaber, 491 preso horietatik 198 800 eta 1.100 kilometro arteko distantziara daude.
Halaber, Etxeratek eman dituen datuen arabera, hiru preso politiko dira kartzelan hil direnak, eta, gaur egun, larri dauden 12 presok kartzelan jarraitzen dute.
Etxeratek dispertsioarekin amaitzeko deia egin du berriro, "dispertsioa ehunka zauritu eta 16 hildako hauen erantzule zuzena delako, giza eskubideak uneoro urratzeko tresna delako eta, euskal gizarteak hamaika aldiz horrela eskatu duelako".
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Aliantzarekin lortutako akordioaren ostean egindako adierazpen instituzionalean, Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".