Ezeizabarrenak eta Monterok hasiko dute autogobernuaren lantaldea
Xabier Ezeizabarren eta Manu Montero unibertsitateko irakasleek emango diote hasiera maiatzaren 28an Autogobernuaren Eusko Legebiltzarreko Lantaldeari.
Hitz egiten lehena Xabier Ezeizabarrena izango da. Bere hitzaldia 9:00etarako aurreikusita dago, EAJk eskatuta.
Ezeizabarrena Administrazio Zuzenbideko irakaslea da Euskal Herriko Unibertsitatean, eta Zuzenbide Autonomikoa eta Ingurumenaren Zuzenbidea ere irakasten ditu Deustuko unibertsitatean. Gainera, UNESCOk emandako Giza Eskubideetako diploma du.
Manu Montero, aldiz, UPyDk eskatuta arituko da, 12:00etatik aurrera. Montero EHUko errektore ohia da, Gaur Egungo Historiako katedraduna EHUko Gizarte Zientzia eta Komunikazioko Fakultatean, eta Deustuko Unibertsitatean doktoretza atera zuen.
Legebiltzarrak ohar baten bidez aditzera eman duenez, ekainaren 11ko agerraldiak ere zehaztu egin dituzte.
Egun horretan Javier Maroto Gasteizko alkate eta PPko legebiltzarkideak hitz egingo du, alderdi popularrak berak eskatuta.
Bigarren agerraldia Koldo Saratxagarena izango da. Saratxaga irakaslea da EHUn, Deustun, Arrasaten eta Nafarroako Unibertsitatean, eta EH Bilduk eskatuta hitz egingo du.
Jone Berriozabal (EAJ) lantaldeko koordinatzaileak lanean jarraitzen du hurrengo agerraldietako datak eta alderdiek eskatutako adituen agerraldiak zehazteko.
Otegi, Ardanza eta Ibarretxe, besteak beste
Agerraldien artean Arnaldo Otegirena aurreikusita dago. Otegi Logroñoko kartzelan dago gaur egun talde terrorista baten kide izatea leporatuta. Legebiltzarrak beharrezko baimena eskatu du dagoeneko Otegik lantaldearen aurrean hitz egiteko.
Jose Antonio Ardanza, Juan Jose Ibarretxe eta Patxi Lopez lehendakariak, eta Jose Ramon Rekalde eta Joseba Arregi sailburu ohiak eta Fernando Savater filosofoa ere deituta daude, besteak beste.
Zure interesekoa izan daiteke
Espainiako Gobernuak guztiz gezurtatu du AEBko Armadarekin lankidetza adostu izana
Karoline Leavitt Etxe Zuriko bozeramaileak arratsaldean adierazi duenez, Espainiako Gobernua prest dago AEBko Armadarekin lan egiteko.
Lehendakariak esan du Belgika Euskadirentzat hainbat alorretan "aliatu bat" dela
Bart De Wever Belgikako lehen ministroarekin bildu da gaur Imanol Pradales lehendakaria Bruselan, eta hainbat alorretan bi herrialdeen arteko lankidetza aukerak ikusten ditu. Besteak beste, industria, euskararen ofizialtasuna eta Makroeskualde Atlantikoa aipatu ditu.
Abalosen eta Koldoren aurkako musukoen auziko epaiketa apirilaren 7an hasiko da, Auzitegi Gorenean
Funtzionario-eroskeria, eragimen-trafikoa, baliabideak bidegabe eralgitzea, erakunde kriminala, lehen eskuko informazioaz baliatzea, faltsukeria eta prebarikazio delituengatik epaituko dituzte.
Estatuak 1976ko Gasteizko sarraskian izan zuen papera aitortzea baztertu du Senatuak, eztabaida gogor batean
Tentsioa areagotu egin da Josu Estarrona EH Bilduren senatariak, PPren aulkiari begira eta ukabila gora zuela, hau esan duenean: "Hil ezin izan zenituzten langileen bilobak gara!". Javier Arenasek (PP) Estarronaren esaldia kentzeko eskatu dio presidenteari, eta Javier Maroto Senatuaren presidenteordeak onartu egin du eskaera.
AEBren eta Iranen arteko gatazka baretzeko "batasunetik" lan egiteko eskatu dio Pradalesek EBri
Imanol Pradales lehendakariak AEBren eta Iranen arteko gatazka baretzeko "batasunetik eta ahots bakarrarekin" lan egiteko eskatu dio Europar Batasunari, eta aldez aurretik estatuek bat egin beharko dute, "Europan zatiketa ez delako positiboa".
Feijoo Aitor Estebanekin bildu da: "Niri Gernikako Estatutua bere horretan gustatzen zait"
PPren presidenteak adierazi du kezkaturik dagoela “Bilduk sinatuko” omen duen erreforma dela eta. EAJko iturriek, bestalde, bi buruek bilera izan dutela baieztatu diote EITBri. "Alderdi demokratiko guztiekin" egin ohi dituela bilerak adierazi dute, eta ez dute edukiari buruzko zehaztasunik eman.
Sanchezen agerraldia, bost titularretan
Pedro Sanchezek 2003an Iraken inbasioarekin ezagun egin zen "gerrari ez" leloa berreskuratu du Ekialde Hurbileko gatazkaren aurrean, eta ohartarazi du Espainia ez dela izango munduarentzat txarra den zerbaiten konplize, bakarren baten errepresalien beldur, Donald Trumpi erreferentzia eginez.
Sanchezek "gerrari ez" leloa defendatu du, eta adierazi du ez dela Trumpen "errepresalien beldur"
AEBk eta Israelek Irani egindako erasoaren harira egindako adierazpen instituzional batean, Pedro Sanchez Espainiako Gobernuko presidenteak azpimarratu du Espainiaren jarrera argia dela: nazioarteko zuzenbidea ez errespetatzea arbuiatzea eta iraganeko akatsetan erortzea saihestea. Ohartarazi duenez, Espainia "ez da munduarentzat txarra den zerbaiten konplize izango, baten baten errepresalien beldurragatik soilik".
Jauregik uste du Trumpek "oztopoak" izango lituzkeela Espainiarekiko merkataritza harremanak eteteko, Europa "merkatu bakarra" delako
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuak Euskadi Irratian esan du Trumpek "zail" izango lukeela Espainiaren kontrako merkataritza blokeoa aplikatzeko, Europa "merkatu bakarra" delako. Europaren indarra "batasunean" dagoela nabarmendu du. Hala ere, adierazi du AEBko Gobernuak "neurri indibidualekin min egin dezakeela".
Pradales lehendakariak hainbat gai ekarri ditu Bruselara
Lehendakaria Bruselara egiten ari den bidaia ofizialaren gakoak eman dizkigu Garazi Ayestak. Arratsaldean, Belgikako lehen ministroarekin bilduko da, eta euskara Europako erakundeetan ofizial izatea mahai gainean jartzea espero da.