Abalosen eta Koldoren aurkako musukoen auziko epaiketa apirilaren 7an hasiko da, Auzitegi Gorenean
Funtzionario-eroskeria, eragimen-trafikoa, baliabideak bidegabe eralgitzea, erakunde kriminala, lehen eskuko informazioaz baliatzea, faltsukeria eta prebarikazio delituengatik epaituko dituzte.
Abalos, artxiboko irudi batean. Argazkia: EFE
Espainiako Auzitegi Gorenak apirilaren 7an hasiko du Jose Luis Abalos ministro ohiaren, Koldo Garcia aholkulari ohiaren eta Victor de Aldama enpresaburu eta eskupeko-hartzailearen aurkako ahozko ikustaldia, pandemia-garaian musukoen kontratuetan egin omen zituzten irregulartasunengatik.
Zigor-arloko salak auto bat eman du ministro ohiaren eta aholkulari ohiaren defentsek planteatutako aurretiazko gai guztiak ezesteko, eta, beraz, biak akusatuen aulkian eseriko dira, Aldamarekin batera.
Funtzionario-eroskeria, eragimen-trafikoa, bidegabeko eralgitzea, erakunde kriminaleko kide izatea, lehen eskuko informazioaz baliatzea eta aprobetxamendua, faltsukeria eta prebarikazio delituengatik epaituko ditu Gorenak.
Fiskaltzak 24 urteko kartzela-zigorra eskatu du ministro ohiarentzat, eta 19 eta erdikoa aholkulari ohiarentzat; akusazioek, aldiz, 30 urtera arteko kartzela-zigorra eskatu dute; hirugarren akusatuarentzat, berriz, Victor de Aldama enpresariarentzat, 7 urteko espetxe-zigorra eskatu dute, Ministerio Publikoarekin kolaboratzeagatik.
Abalos eta Koldo behin-behineko espetxealdian daude azaroaren 27tik, ihes egiteko "muturreko" arriskuagatik.
Armengol eta Torres lekuko gisa, baina Sanchez, Marlaska eta Illa, ez
Lekukoen zerrenda luzea da, eta 75 pertsonak baino gehiagok emango dute testigantza, hala nola Francina Armengol Kongresuaren presidenteak eta Angel Victor Torres Lurralde Politikako ministroak, auzitegiak horiek deklaratzea onartu du eta.
Pedro Sanchez Espainiako Gobernuko presidentea, Fernando Grande-Marlaska Barne ministroa, Salvador Illa Generalitateko presidente eta Osasun ministro ohia, Maria Jesus Montero presidenteordea eta Reyes Maroto ministro ohia, aldiz, ez dira lekuko gisa joango. Hala erabaki du tribunalak, "prozesuaren xedearekin loturarik ez dutelako eta inputatutako gertakariak argitzeko testigantzak beharrezkoak ez direlako".
138 orriko autoan, Salak ezetsi egin ditu Abalosen eta Koldoren defentsek otsailaren 12an egindako aurretiazko entzunaldian planteatutakoa, bai eta auzia Espainiako Auzitegi Nazionalera bidaltzeko alegazioak ere; euren asmoa zen epaiketa atzeratzea. Abokatuek aste honetan bertan bidali zioten eskaera hori Auzitegi Gorenari berriro.
Azaldu dutenez, "segurtasun juridikoko" arrazoiek 2014ko akordioaren irizpideari eustea babesten dute. Horren arabera, forudunen aurkako auzietan, "ahozko epaiketa hastea da auzitegiarekin bat finkatzen da eskumena behin betiko, data horren ondoren forudun-izaera galdu bada ere", Abalosek eserlekuari uko egitearekin gertatu zen bezala.
Zure interesekoa izan daiteke
Errenteriako alkateak Adingabeen Fiskaltzaren aurrean lekukotasuna emango du bihar Xenpelar auziaren inguruan
Errenteriako Udalak Polizia Judizialaren eta Adingabeen Fiskaltzaren esku utzi zuen atzo sexu-eraso salaketen inguruan duen informazio guztia, eta eduki hori egiaztatzeko deitu dute alkatea.
Leire Diezek Cristina Narbonarekin hitz egin zuen Pedro Sanchez presidentearen aurkako erasoak "bideratzeko" asmoz
UCOk bien arteko elkarrizketa bat jaso du Leire kasuaren sumarioari erantsitako txosten batean.
EITBren euskarazko ikus-entzunezko edukiak ahalik eta gehien zabaltzea babestu du Eusko Legebiltzarrak
EAJren eta PSE-EEren zuzenketa bat da, EH Bilduk EITBk euskarazko audio eta azpitituluen edukia nazioarteko streaming plataformei doan lagatzeko egindako proposamen bat atzera bota ostean. Nazioarteko plataforma eta operadoreekiko harremana ere sustatuko da.
?fmt=webp-alpha&qlt=80)
Errenteria, Lezo eta Pasaiako alkateek portuaren eskumenak eskualdatzea eta gobernantza eredu berri bat eskatu dute
Pasaiako portuak "euskal ekonomian zeregin estrategikoa" duela nabarmendu dute, eta portuko eremuak "jarduera berritzaileak eta enplegu berriak sustatzen dituzten enpresen eskura egotea" eskatu dute.
PPk berriro jeltzaleei mezua, Tubos Reunidosen miaketaren ondoren: "Azalpenak eman beharko ditu EAJk"
Guardia Zibilak Tubos Reunidosen egoitzan egindako miaketaren ondoren, Alderdi Popularrak, beste behin, EAJri begiratu dio, ustelkeriaren aurrean zein jarrera duen argitu dezan eskatzeko. Alma Ezcurra PPren Koordinazio Sektorialeko idazkariordeak esan du Euskal Herriko enpresa erreferenteetako bat ustelkeriak zipriztindu ondoren, jeltzaleek euren iritzia eman behar dutela eta herritarrei azalpenak eskaini. "Ustelkeriarekin bat egiten duten edo aurka dauden azaldu behar dute", adierazi du.
David Sanchezek ukatu egin du kontratazioetan eragin izana: "Ez daukat horretarako ahalmenik"
Badajozko Lurralde Auzitegian egiten ari diren epaiketan, David Sanchezek, Pedro Sanchez Espainiako Gobernuko presidentearen anaiak, ukatu egin du kontratazioetan eragin izana; ez Badajozko kontserbatorioko koordinatzaile gisa berak lortu zuen lanpostuan, ezta Luis Carrero lagunari esleitu ziotenean ere. "Ez dut horretarako ahalmenik, ezta informazio administratiborik ere", esan du.
Estebanek eta Anduezak bien arteko desadostasunen kontua arindu eta Jaurlaritzaren batasuna goraipatu dute
Desadostasunak gorabehera, EAEko erakunde nagusietan koalizioa osatzen duten bi alderdietako buruzagiek azpimarratu dute bat eginda lan egiten dutela "herria aurrera ateratzeko".
UCOk Tubos Reunidosen Bilboko egoitza miatu du
Erregistroa hamar orduz luzatu da. Leire auziaren sekretupeko pieza baten barruko jarduketa bat da, eta Santiago Pedraz Auzitegi Nazionaleko epailearen aginduz egin dute.
UCOk PSOE seinalatu du Leire Diezen sarearen ordainketa guztien "jatorri" gisa
Atestatuan, Guardia Zibilaren Unitate Zentral Operatiboko agenteek ustezko ordainketetako batzuk xehatu eta hainbat adibide jarri dituzte.
2027ko aurrekontuak aurkezteko izapideak abiatu ditu Espainiako Gobernuak
Elkarrizketarako "eskuzabaltasuna, erantzukizuna eta konpromisoa" eskatu dizkie Espainiako gobernuburuak Kongresuko taldeei, eta bereziki zuzendu zaie Euskal Herriko eta Kataluniako alderdi independentistei eta nazionalistei.