Pablo Iglesias, IUrekin koalizioa egiteko eskaintza onartzeko prest
Izquierda Unida alderdiak ezkerreko alderdien batasuna eskatu zuen, eta Pablo Iglesias Podemos alderdiko lider eta Europako Parlamenturako hautagaiak protagonismoa herritarrek izan behar dutela eta lehentasuna "herriaren batasuna" izan behar dela adierazi du. Gainera, berak zuzentzen duen alderdiak Europako Parlamentuan proposatuko duen lehen gauza diputatuen soldata mugatzea izango dala aurreratu du.
"Hasieratik esan dugu ezkerreko alderdien batasuna garrantzitsua dela, baina askoz garrantzitsuagoa dela herriaren batasuna. Jendearen batasuna lortzeko guk egin dugun zerbait egin behar da: protagonismoa eman. Oinarri horiekin, beste gizarte mugimenduekin eta alderdi politikoekin lan egitea gustatuko litzaiguke", azaldu du Iglesiasek.
Aurtengo urtarrilean jaio zen formazioa, eta Europako hauteskundeetako laugarren indar bozkatuena izan da iragan igandean, bost eserleku eta botoen % 7,97 lortuz. Emaitza onak lortu dituzten arren, politologoak esan du ez dela zifra horiekin pozik gelditzen, azken helburua bi alderdiko sistemarekin amaitzea delako.
Espainian "gehiengo politiko berri bat" sortzeko lanean hasiko direla jakinarazi du Iglesiasek.
Formazioak M-15 mugimendutik datorren jendea hartu du eta Europako Parlamentuan parlamentarien soldatari mugak jartzea eskatuko du, Iglesiasek esan duenez. Halaber, bere alderdiko kideek protokolo bat sinatu dute: ez dute Espainiako hiru gutxieneko soldata baino gehiago kobratuko.
"Noski, ez dugu 'business' hegaldirik hartuko eta pentsio-plan pribatua ere ez dugu hartuko. Lotsagarri deritzogu: 'Villarejo direktiba' aurkeztuko dugu ustelkeriaren aurka. Horren arabera, ez da soilik kargu publikoen soldata mugatu behar, administrazio batzordeak eta gobernuak komunikatzen dituzten ate birakariak ere debekatu behar dira", gaineratu du Pablo Iglesias Podemos alderdiko liderrak.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.