Milaka pertsona bildu dira Errepublikaren aldeko manifestazioetan
Milaka pertsonak parte hartu dute gaur Iruñean, Donostian, Bilbon eta Gasteizen hirugarren errepublikaren eta erreferendumaren alde antolatutako manifestazioetan.
Mobilizazioak 18:00etan abiatu dira Iruñeako autobus geltoki zaharretik; 19:00etan Donostiako Boulevardetik; 20:00etan Bilboko Jesusen Bihotzetik eta ordu berean Gasteizeko Andre Mari Zuriaren plazatik.
Zenbait talde errepublikarrek antolatu dituzte martxak, eta Ezker Anitza-IU, Ezker Batua eta Podemos-Ahal Dugu alderdietako kideen babesa jaso dute. Horietan, Borboien aurkako eta erreferendumaren aldeko oihuak entzun ahal izan dira.
Iruñean, Udalaren ekimen batek eman dio indarra protestari. Izan ere, duela egun gutxi, "beharrezkoa den itxura legala duen erreferendum bat" eskatu zuen Iruñeako Udalak, NaBai, PSN, Bildu, Aralar eta I-Eren aldeko botoekin eta UPN eta PPren aurkakoekin, "herritarrek, Estatua antolatzeko eredu gisa, monarkia edo errepublika nahi duten aukera dezaten".
'Monarkiari ez, herriak erabakitzen du' lelopean, 18:00tan abiatu da martxa autobus geltoki zaharretik, eta Antoniutti parkean amaitu da. Manifestazioaren amaieran, adierazpen bat irakurri da. Bertan esan denaren arabera, "monarkiaren irudi txarrak, ez Juan Carlosena soilik, orokorrean baizik, demokraziaren aurkako instituzio txatu hori aldatzera derrigortzen ditu".
"Proposamen errepublikarren txanda da. Demokraziaren txanda da", baieztatu dute parte hartzaileek. Gainera, Europako hauteskundeetan alderdi-bitasunak izandako "porrot handia" eraberritzeko aukera ona dela azpimarratu dute; izan ere, manifestarien ustez, "alderdiak ez daude ziur Ondorengotza Legea onartzeko aukera izango ote duten datozen udaletako eta hauteskunde orokorren ostean".
Bilbon, Javier Madrazo Eusko Jaurlaritzako Etxebizitza sailburuordea, Unai Sordo Euskadiko CC.OO. sindikatuko burua eta Tasio Erkizia ezker abertzaleko agintari ohia bildu dira mobilizazioan, besteak beste. Manifestariak koroatzearen aurka agertu dira, "hiru gabe bi ez, errepublika berriz ere" oihukatuz.
Martxa amaitzean, antolatzaileek adierazpen bat irakurri dute, "bizitza publikoaren birsorkuntza moralaren alde" apustu eginez; horretarako, "errepublikaren baloreen aldeko konpromisoa" erakutsi dute. Euren ustez, egungo krisi egoeran beharrezkoa da "bultzada demokratiko eta sozial bat", baloreen aldaketa bati begira, abantailen aurretik askatasuna eta justizia eta lehiakortasunaren aurretik elkartasuna jartzeko.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.