Suberbiolak 'gatazkak eragindako sufrimendua' aitortu du
Igor Suberbiola ETAko kideak "gatazkak eragindako sufrimenduaren aitorpen zintzoa" egin du gaur, Parisen egiten ari diren epaiketan. Prozesu horretan Ainhoa Ozaeta eta Jon Salaberria ere epaitzen ari dira, ETAko buruzagiak direlakoan.
"Jakin badakit gatazka bat egon dela eta ni horren parte aktiboa izan naizela; horren ildotik, onartu egiten dut nire erantzukizun guztia (...) eta gatazkak eragindako min eta sufrimendu guztiaren aitorpen zintzoa egin nahi dut". Gainera, min horren aurrean "kalte-ordainak" ematearen alde agertu da.
Suberbiolak berretsi duenez, "borroka armatua dagoeneko ez da existitzen; ETAren borroka armatua iragana da eta ez da sekula gehiago existituko".
Testuinguru berri horretan, "bide politiko eta demokratikoa" baino ez duela erabiliko eta "iraganeko borroka ereduei uko" egiten diela nabarmendu du.
Bestalde, Jon Salaberriak "norbanako konpromisoa" agertu du indarkeria uzteko ETAk 2009. urtetik emandako "urrats guziekin". Halaber, hurrengo hamarkadarako espetxeetan presorik ez egotea espero duela adierazi du.
Azkenik, Ainhoa Ozaetak hildako ETAko kide guztiak omendu ditu, eta Xabier Lopez Peña Thierry zena aipatu du bereziki (berea bikotekidea izan zen).
Fiskaltzak 20 urteko espetxe zigorra eskatu du Ozaetarentzat, 18 urtekoa Suberbiolarentzat eta 15ekoa Salaberriarentzat. Gaur arratsaldean bertan eman lezakete epaia.
"Jarrera politiko orokorra"
Sorturen arabera, hiru auzipetuek indarkeriaren aurka egindako adierazpena "gatazka politikoa konpontzeko jarrera politiko orokor baten parte da eta ezin dute bazterrean utzi, arduragabekeri galanta izango litzatekeelako".
Pernando Barrena Sortuko bozeramailearen hitzetan, presoen hitzak "adierazpen politiko oso garrantzitsuak" dira; izan ere, "beraien erantzukizuna onartu dute gatazkaren parte bezala". "Eragindako kaltea eta sufrimendua benetan onartu dute; konponketa beharrezkoa dela erantsi dute", azaldu du Barrenak.
"ETAk eta militanteek normalizazio politikoan parte hartu nahi dutela argi utzi dute, erantzukizun propioak onartu baitituzte", erantsi du.
Sortuko buruzagiaren esanetan, ETAko kideek indarkeriari uko egiteak "garai politiko berri baten oinarriak finkatzen ditu. Euskal gizartearen adiskidetzea lortzeko eduki berriak jorratu behar dira eta adierazpen askatasuna eragozpenik gabe gauzatu".
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".