Senatuak Abdikazio Legearen tramitazioa bukatuko du gaur
Erregearen abdikazioa gauzatuko duen lege organikoa behin betiko onartuko du Senatuak gaur, asteartea, saio monografikoan. Senatarien gehiengo zabal baten babesa jasoko du.
Mariano Rajoy Gobernuko presidenteak ez du hitza hartuko gaurko saioan, ezta Exekutiboko beste inork ere. Izan ere, Gobernuko iturriek azaldu dutenez, lege-proiektuak Senatuan eztabaidatzen dituztenean Gobernuko kideek ez dute hitza hartzen. Horren harian, Gobernuak lege-proiektua Kongresuan azaltzen duela azpimarratu dute. Kongresuko osoko bilkuran onartu eta gero, Senatuak protagonismoa bereganatzen du.
Juan Carlos I.a erregearen abdikazioa arautzeko lege-proiektua asteazkenean onartu zuen Kongresuak gehiengo osoarekin. Senatuak ekainaren 12an erregistratu zuen testua.
Irakurketa bakarra
Kongresuan ez bezala, Senatuan gehiengo sinplearekin nahikoa da testua aurrera ateratzeko. Senatuak tramitatzeko premiazko prozedura eta irakurketa bakarra adostu zituen.
Senatuko bozketa elektronikoa izango da, gainerako legeetan bezala. Kongresuko diputatuek, ostera, deialdi publiko indibidualaren bidez bozkatu zuten.
Betoak
Osoko bilkura 16:00etan hasiko da IUk, ICVk eta ERCk (talde mistoko kideak) aurkeztutako hiru betoen eztabaidarekin.
Talde bakoitzak 15 minutu izango ditu betoak defendatzeko, eta kontrakoek ere 15na minutu izango dituzte euren jarrera azaltzeko.
Eztabaidaren ostean, bozeramaileen txanda izango da. Ohiko hamar minutuak 15era luzatu dituzte. Talde mistoak, aldiz, 18 minutu izango ditu.
Betoak atzera botaz gero, abdikazio legea behin betiko onartuko dute. Horrela, Felipe Borboikoa Espainiako errege aldarrikatuko dute ekainaren 19an. Juan Carlos I.ak testua berretsiko du ekainaren 18an, Zarzuelan.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.