Brian Currin: 'Presoek bake-prozesuan parte hartzeko eskubidea dute'
Brian Currin abokatu hegoafrikar eta Nazioarteko Egiaztatzaileen Batzordeko buruak gaur, larunbata, Bilbon, ETAko presoek "bakea eraikitzeko prozesuan dituzten parte hartzeko eskubide politiko eta sozialak" aldarrikatu ditu.
Currin Aieteko Adierazpeneko sustatzaileetako bat izan zen, ETAk jarduera armatua bertan behera utzi aurretik, eta, oraingoan, Lokarrik antolatutako Foro Sozialaren jardunaldietan (ETAren presoen "bergizarteratzea"ren inguruan) parte hartu du.
Abokatu hegoafrikarraren esanetan, damutzea eta barkamena eskatzea berradiskidetzearekin lotuta daude, eta ezberdina da ETAko presoak askatzea, zigor araudian oinarritzen baita.
"Prozesu ezberdinak dira, eta ez da zuhurra ezta gomendagarria ere biak uztartzea", esan du.
Currin, halaber, IRAren presoen aske uzteko prozesua kudeatu zuen batzordeko presidentea izan zen eta, gaur esan duenez, "ezinbestekoa, oso garrantzitsua," da Espainiak eta Frantziak espetxe politika aldatzea.
"Espero dut aldaketa sakonak izatea", gaineratu du Currinek; bere ustean Gobernu espainiarrarentzat eta frantziarrarentzat bake prozesua "ez da hasi".
Bestalde, Currinek ez ezik, Jose Antonio Martin Pallin Auzitegi Goreneko epaile ohiak ere hartu du hitza. Pallinen ustean, sakabanaketaren politika "sakonean berraztertu" behar da, "zigortzeko" erabiltzen den eta "diskriminatzen duen" elementu bat delako.
Pallinek gogorarazi duenez, legea "egoera sozialaren arabera aplikatu behar da eta oraingo egoera asko aldatu da (Euskadin ETAk jarduera armatua utzi zuenetik)", azpimarratu du.
Gainera, Pallin 20 urtetik gorako kartzela zigorren kontra azaldu da eta, bide batez, esan du Felipe VI.a erregeak egungo egoera sozialaren mesedetan "ekarpen ona egin lezake", ETAren presoen inguruan "hitzen edo keinuren" bat eginez.
Debatearen hirugarren partaidea Iñaki Lasagabaster EHUko irakaslea izan da. Lasagabasterren esanetan, sakabanaketak berdintasunaren printzipioaren eta preso batek senideekin harremana izateko eskubidearen kontra egiten du.
Foro Sozialaren jardunaldiaren bigarren egunean, Juan Maria Olano Askatasunako bozeramaleak eta Seanna Walsh IRAko presoen buru ohiak ere parte hartu dute. Walshek adierazi du oso garrantzitsua dela presoek bake prozesuan parte har dezaten.
Jardunaldietan Hasier Arraiz eta Rufi Etxeberria Sortuko kideak; Laura Mintegi eta Oskar Matute EH Bilduko legebiltzarkideak eta Joseba Aurrekoetxea eta Iñigo Iturrate EAJren ordezkariak, besteak beste, izan dira.
Zure interesekoa izan daiteke
Hauteskunde eguna dute Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.