Terrorismoaren biktimen memoria ondratu du Nafarroako Parlamentuak
Terrorismoaren Biktimen Eguna ospatu du gaur Nafarroako Parlamentuak ekitaldi instituzional batekin. Biktimen memoria "demokraziaren funtsezko zutabe" bat dela adierazi du Alberto Catalan Ganberako presidenteak.
Bildu eta Aralarreko ordezkariak ez dira omenaldian izan. Artelan plastiko bat aukeratzeko lehiaketaren irabazlea jakitera eman dute ekitaldian. Epaimahaiak Javier Muroren la tercera puerta aukeratu du. Artelana Nafarroako Parlamentuaren egoitzan jarriko dute.
Maria del Mar Blanco Terrorismoaren Biktimen Fundazioko presidenteak bideo batean azaldu duenez, artelanak "memoria, duintasuna, egia eta justizia" adierazten ditu. Blanco epaimahaiko kidea izan da. Artelanaren aurrean paratzen direnek "askatasun eta bake etorkizun bat eraikitzeko bizitako nahigabe eta izua" ez ahaztea espero du Blancok.
Memoria eta oroimena
Lehiaketako irabazlearen izena jakitera eman baino lehen, Alberto Catalanek hitza hartu du. Catalanen hitzetan, terrorismoaren biktimen "memoria eta oroimena mantentzea erakundeen eginbeharra da". Biktimek "demokraziari, askatasunari eta espainiar guztien elkarbizitza markoari" egindako ekarpena goraipatu du Parlamentuko presidenteak.
Horregatik, "biktimak eta borreroak" ezberdintzeko eskatu du Catalanek, eta ETAko presoak espetxetik ateratzea deitoratu du. Presoei egiten dizkieten omenaldi "mespretxagarriak" kritikatu ditu. Era berean, terroristek "barkamena eskatu gabe" eta 300 hilketa baino gehiago argitu gabe jarraitzea deitoratu du.
"Zuzenbidezko Estatuaren garaipena biktimen duintasunak merezi duen eskerrona" dela erantsi du. Azkenik, gizartea biktimekin "zorretan" dagoela azpimarratu du Catalanek.
Argazkien erakusketa. Argazkia: EFE
Erakusketa
Bestalde, biktimen omenaldia dela eta Parlamentuak erakusketa bat hartu du. Erakusketa Tomas Caballero Fundazioak antolatu du: '40 egun gorri. ETAren hilketak Nafarroan. Terrorismoko hiru hamarkada irudietan'.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.