M11ko biktimak 'haserre', ez dutelako omenaldian protagonismorik izan
Maria del Mar Blanco Terrorismoaren Biktimen Fundazioaren presidenteak terrorismoaren biktima "guztien" "atsekabea" azaldu du Amaiur koalizioa Espainiako Kongresuan egoteagatik, ETA gaitzetsi gabe eta bere hilketengatik barkamena eskatu gabe.
"Biktima guztien atsekabea azaltzeko aprobetxatu nahi dut, Kongresuan terrorismoa gaitzetsi ez duen alderdi bat dagoelako: ez du ETAren disoluzioa eskatu ezta barkamenik eskatu ere", adierazi du.
"Bizitza askorekin amaitu dute eta familia asko suntsitu, baina inoiz ez digute elkarbizitza demokratikoaren eta askatasunaren itxaropena kendu", azaldu du Blancok. Terrorismoaren "benetako efektuak" azaltzen dituen diskurtso bat eraikitzea eskatu du.
Biktima guztien izenean, "gertatutakoaren berri" ematea eskatu du, bai Espainia mailako foroetan baita nazioartekoetan ere, "basakeria terroristak sortu duen mina" txoko guztietara heltzeko.
Aurretik Jesus Posada Kongresuko presidenteak adierazi du Kongresuko partaideak konpromisoa dutela beraiekin, "askatasunaren, demokraziaren eta Konstituzioaren balioen" izenean.
Talde parlamentario guztien bozeramaileak ekitaldian izan dira, Alfonso Alonso PPko bozeramailea edota Alfredo Perez Rubalcaba PSOEren idazkari nagusia eta Jose Bono Kongresuko presidente ohia, tartean. Izquierda Plural, Amaiur, ERC, BNG, Coalición Canaria, Foro, Compromís eta Geroa Bai taldeetako bozeramailerik ez da egon.
Bertan izan dira ere Estefania Beltran de Heredia Eusko Jaurlaritzako Barne sailburua eta Carlos Urquijo Espainiako Gobernuak EAEn duen ordezkaria eta Jonan Fernandez Bake eta Bizikidetzarako idazkari nagusia.
M11ko biktimen kexa
M11ko biktimek adierazi duenez, Maria del Mar Blanco Biktimen Fundazioko presidentea ETAko biktimei buruz aritu da soilik Kongresuan eman duen hitzaldian eta ez duela 2004an islamisten atentatuen biktimak aipatu ere egin.
"Azpijokoetan aritu da, ETA soilik aipatuta", esan dute. "Oso haserre gaude M11ko biktimak aipatu ere ez direlako egin. M11 desagertzea nahi dute eta ez da hala gertatutuko", azaldu du Amparo Imedio Madrilgo atentatuen biktimetako batek. Omenaldian izan da Imedio.
Azaldu duenez, Pilar Manjon M11ko Terrorismoaren Biktimen Fundazioko presidentea ezin izan da Kongresuan izan, arrazoi pertsonalak medio.
Zure interesekoa izan daiteke
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.