Amaiurrek Kongresuan biktimei egindako omenaldia kritikatu du
Xabier Mikel Errekondo Amaiurreko bozeramaileak Kongresuan biktimei egindako omenaldia "partziala" dela eta ez duela "norabide egokian" eragingo kritikatu du. Haren ustez, "Euskal Herrian indarkeria mota ezberdinek eragindako biktima guztiak aitortu eta omenduta bakarrik eraiki daiteke benetako bakea".
Donostian eskainitako prentsaurrekoan, Xabier Mikel Errekondo eta Rafael Larreina Amaiurreko bozeramaileek azpimarratu dute Madrilen egindako omenaldiak ez duela onartzen "indarkeria desberdinak" egon direnik. Haien aburuz, oinarri sendoen gainean etorkizun baketsua erakini nahi bada, "biktima guztiak" aitortu behar dira, eta "Kongresuak ez du horrelakorik egin" omenaldian.
Errekondok eta Larreinak "gertutasuna eta errespetua" erakutsi diete indarkeriaren biktimei, eta euskal gatazka politiko eta armatuaren ondoriorik mingarriena direla adierazi dute. Gainera, euren ekintza politikoak "ulergaitzak" baldin badira, "atsekabea" azaldu die kolektiboari.
"Euskal gizartean bakea, adiskidantza eta normalizazio politikoa lortzeko lana egiteko konpromisoa" azaldu dute bozeramaileek, eta "giza eskubideen urrapen guztiak aitortzea erraztuko duen prozesu eraikitzaile bat" praktikan jartzearen alde agertu dira; horretarako, baina, "borondate politikoa" beharrezkoa dela adierazi dute.
Gainera, "biktimen zati bat alde batera uzteak bake justu eta iraunkor batetik aldendu" egiten gaituela gogorarazi dute.
Errekondok eta Larreinak "gatazkaren errealitatea eta Estatuaren indarkeriaren biktimak ezkutatu izana" leporatu diote PPri, eta hori onartezina dela adierazi dute.
PPk eta PSOEk "torturaren biktimak ukatzen eta ezkutatzen, 'hiltzera jo' politika egiten, espetxe politikarekin, deportazioarekin eta herri baten existentzia eta haren erabakitzeko eskubidea ezkutatzen" jarraitzen dutela salatu dute bozeramaileek. Gainera, Espainiari egungo egoerak "beldurra" ematen diola adierazi dute, eta horren aurrean "apurtu beharreko zorroztasun harresi izugarri bat" eskaintzen duela azaldu dute.
"Garaileen eta garaituen amaiera porrotera bideratuta" dagoela azpimarratu dute Amaiurreko bozeramaileek, eta Gobernu espainiarrak horretaz jabetu eta "mendekuaren eta zapalketaren politika" albo batera utzi behar duela esan dute.
Zure interesekoa izan daiteke
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.