AHTren lanetako zementu fabrika 'ilegalak' gelditzeko dio EH Bilduk
EH Bilduk Eusko Jaurlaritzari eskatu dio Abiadura Handiko Trenaren obretako "zementu fabrika ilegalak" gelditzeko, "proiektuko eraikitzaileei produktua" ematen dietenak.
Ana Karrere Andoaingo alkateak eta Dani Maeztu EH Bilduko parlamentariak Donostian eskaini duten prentsaurrekoan salatu dutenez, AHTren eraikuntza lanetan, "udalen bizkarretik" jarri dituzte fabrika horiek, eta "ez daude AHTren proiektuetan bilduta eta haien aktibitatea legez kanpokoa dela adierazi dute egun desberdinetan Gipuzkoako epaitegi desberdinek emandako hiru epai desberdinek". "Ez dago zalantzarik, fabrika horiek ilegalak dira", azaldu dute.
Zizurkilgo eta Antzuolako udalek espedienteak zabaldu dituzte gaiaren inguruan, eta Andoaingoak jaso du epaia. "AHTren aterkipean zabaldu nahi zen zementu fabrikaren aktibitatea ilegala" dela dio epaiak, Karrerek eta Maeztuk azaldu dutenez.
Haien ustez, "AHTren proiektuaren eta lanaren inguruko opakutasuna eta gure udalen baliabide ekonomiko eta teknikoen urritasuna dela eta, ez da erraza horrelako proiektu baten inguruan irregulartasun larriak atzematea, ikertzea eta argitzea, kasu honetan bezala".
Euskal Trenbide Sarea eta Eusko Jaurlaritza "udalak oztopatzen, distraitzen eta haien gainean presioa egiten" ari direla gehitu dute, eta, "Zizurkilen kasuan bezala, udalen eskumenak indarrez hartzen eta Legeak eta auzitegiek argi utzi dutena betetzera mugatzen diren espedienteak amaitutzat jotzen".
Karrerek eta Maeztuk azpimarratu dute zementu fabriken egoera "argia" dela. "Ez dago aktibitate lizentziarik eta AHTren proiektuak ez du ordezkatzen". Hori dela eta, "arauditik at, lizentziarik gabe aurrera doazen industria ekintzak dira".
Horren harira, ekintza horiekin amaitzeko eskatu diote Eusko Jaurlaritzari, baita fabrika ilegalak bertan behera uzteko ere.
Zure interesekoa izan daiteke
Ekialde Hurbileko gerraren aurrean pertsonen "segurtasun bitala" bermatzeko osoko bilkura monografikoa egitea eskatu du EH Bilduk
EH Bilduk gaur erregistratu du eskaera Eusko Legebiltzarrean, eta pleno monografikoa uda aurretik egitea eskatu du.
Frankismoaren biktimei kalte-ordainak emango dizkiete, Portugaleteko eta Bilboko kasuetakoei, besteak beste
Espainiako Gobernuak 15 erreparazio-eskaera onartu ditu, eta 1968tik 1978ra bitartean eraildako edo lesio larriak izandako berrogeita hamar bat kasu aztertzen ari da.
Irango gerraren ondorioak arintzeko dekretua aurrera aterako da Kongresuan, PPk egingo duenaren zain
Espainiako Gobernuak inbestidurako bazkideen babesa bermatuta du, eta, hortaz, beherapen fiskalak, oinarrizko hornigaiak eteteko debekua eta sektore kaltetuenentzako neurri orokorrak aurrera aterako dira.
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionaren presidentearen aurka eginbideak abiatzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPren buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.