Erkoreka: 'ETAko presoak ez dira emandako hitza betetzen ari'
Josu Erkoreka Jaurlaritzako bozeramaleak baieztatu duenez, ETAko presoen kolektiboa "ez da" banakako gizarteratzea eta espetxe-legedia onartzeko emandako hitza "betetzen ari" eta, bere ustean, ezker abertzaleak "zeozer gehiago egin dezake", presoek urratsa eman dezaten laguntzeko.
Europa Press albiste agentziak egindako elkarrizketa batean, Erkoreka ziur agertu da errealitateak "agerian uzten" duela legedia horren "eskakizunak" betetzen dituenak behin behineko askatasuna lor dezakeela.
Bestalde, Erkorekaren esanetan, Rajoy ez da "zuhurtasunez" jokatzen ari, lehendakariak bake eta normalizaziorako prozesuaren arloan egindako proposamenak "aintzat hartu" eta horiei "aurre egin ez" dielako.
Gainera, Urkulluren taldeak egindako proposamenak, "norabide anitzekoak", hau da, "espetxeetako agintariei zein presoen kolektiboari eta ezker abertzaleari zuzendutakoak", "ezinbestekoak" dira bake eta elkarbizitza prozesuaren alorrean "urrats definitiboak" emateko. Erkorekaren iritzian, "goizago edo beranduago" Gobernu zentralak onartuko du Jaurlaritzak egindako eskakizunak "egokiak eta zuzenak direla une honetan".
Jaurlaritzaren bozeramalearen arabera, "egia" da Gobernu zentralak ez dituela "eman espero zitezkeen urratsak", kartzela-politikaren alorrean, baina "egia da ere, momentura arte, ETAko presoek jendaurrean hartutako konpromisoak -espetxe-politika onartzea, eta banakako gizarteratzearen alde egitea- ez dituztela bete, inolaz ere".
"Hori dela eta, Gobernu zentralak urratsik ematen ez badu, presoek hartutako konpromisoak ere ez dira bete. Prozesua ez da espera bezala betetzen ari, kolektiboak berak hartutako konpromisoak eta egindako adierazpenen ondoren", esan du.
Horrez gain, ezker abertzaleak "ez dio, behintzat publikoki, argi eta garbi eskatu" presoen kolektiboari "norabide horretan aurrera egin dezaten". "Ez dakit ezkutuan egin duten, baina jendaurrean ez dute eskakizun zorrotz bat egin".
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Aliantzarekin lortutako akordioaren ostean egindako adierazpen instituzionalean, Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".