Sortu: 'Erkorekak maltzurkeriaz jokatzen du eta gezurretan ari da'
Hasiera Arraiz Sortuko presidenteak adierazi duenez, Josu Erkoreka Eusko Jaurlaritzako bozeramaileak maltzurkeriaz jokatzen du eta gezurretan ari da. Arraizen esanetan, Erkorekak badaki presoek Langraizko kartzelara etortzea banan-banan eskatu dutela, eta eskaerak modu ilegalean ukatzen ari zaizkiela; baina EAJ hori guztia ezkutatzen ari dela gaineratu du.
Arraizek prentsaurreko agerraldia egin du Donostian Rufi Etxeberria ezker abertzaleko ordezkariarekin batera, eta Josu Erkorekak atzo, larunbata, egindako adierazpenak izan ditu hizpide. Erkorekak esan zuen ez dela lortu ETAko presoak gizartzeratzea eta ez direla betetzen ari espetxe-legedia onartzeko hartutako konpromisoak.
Ildo horretatik, "garaituak eta garaileak izatea helburu duen estrategia makabroa babestea" leporatu dio Arraizek Jaurlaritzari, "ETAko presoak umiltzeko, PPk nahi duen bezala".
Sortuko ordezkariaren esanetan, egin egiten ari dira banako eskaerak Langraizko espetxera (Araba) hurbiltzeko, eta betetzen dituzte legeak hori lortzeko eskatzen dituen baldintzak. Arraizen ustetan, Erkorekaren hitzok "EAJren eta Jaurlaritza beraren jarrera inboluzionistaren seinale dira".
Halaber, Arraizen arabera, Erkorekaren jarrera "onartezina eta oso larria" da, badakielako presoak banako eskaerak egiten ari direla. Hortaz, "maltzurkeriaz jokatzen ari da, eta gezurrak esaten", gaineratu du. EAJri bere jarrera bideratzeko eta "PPren gobernuari mendeku hartzeko politika kriminalak ezartzeari utz diezaion presio egiteko" eskatu dio. Horrez gain, ETAko presoei ezartzen zaizkien "salbuespen neurriak" bertan behera uzteko ere eskatu du.
Ezker abertzaleko kideak nabarmendu duenez, lekualdatzeko eskaria egin duten presoek betetzen dituzte legeak ezarritako baldintzak: banakako eskaera bideratzea eta presoaren etxetik gertu espetxe bat egotea. “Biak betetzen dira", gaineratu du.
Zure interesekoa izan daiteke
Albiste izango dira: Memoriaren eguna, COP30 goi bilera Brasilen eta azaroaren 25eko kanpainaren aurkezpena
Gaurkoan Orain-en albiste izango direnen laburpena, bi hitzetan.
Aste erabakigarria eskualdatzeko dauden transferentziak ixteko
Eusko Jaurlaritzak eta Espainiako Gobernuak bilerak egingo dituzte asteartean eta asteazkenean, eskualdatzeko dauden eskumenetan aurrera egiteko. Maria Ubarretxenak espero du urrian aurkeztutako hamar proposamenei lehen erantzuna ematea eta urtea amaitu baino lehen eskualdaketak bizkortzea.
Memoriaren Eguna ospatuko da gaur, eta Eusko Legebiltzarrean eta euskal hiriburuetan ekitaldi instituzionalak egingo dira
Memoriaren Eguna ospatuko da gaur, eta hainbat ekitaldi instituzional eigingo dira terrorismoaren eta indarkeriaren biktimak oroitzeko. Eusko Legebiltzarrak omenaldiarekin irekiko du jardunaldia, 10:00etan, eta, ondoren, Eusko Jaurlaritzak eta Gogora Institutuak ekitaldi nagusia antolatu dute Gasteizen, eguerdian.
Gerra Zibileko bi gudulariren gorpuzkiak berreskuratu dituzte Saibigainen, Abadiñon
Igande honetako lanetan, beste bi gudulariren gorpuzkiak atera dituzte lurpetik Saibigainen, Abadiñon. 2023tik, 5 pertsonaren gorpuzkiak aurkitu dituzte bertan.
Isabel Diaz Ayuso Madrilgo presidenteak anbulantzian utzi behar izan du Almudenako meza, "ondoezik" jarri ostean
Bezperan, Andaluziako PPren kongresuan ere ez zuen parte hartu, "ondoez txiki bat" izan zuelako. Gastroenteritisak eragindako tentsio jaitsiera izan dela esan dute bere inguruko iturriek, eta jada sendagiria eman diotela. Ostiralean, Alberto Gonzalez Amador Ayusoren bikotekidea auzitara eramango dutela zabaldu zen. Madrilgo Auzitegiak iruzur fiskala egotzita epaituko du.
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".