Presoek birgizarteratzeko pausorik eman ez dutela esan du Erkorekak
Orain arte EPPK kolektiboko preso "bakar batek ere ez banakako gizarteratzearen bidea" aukeratu ez duela errepikatu du Josu Erkoreka Eusko Jaurlaritzako bozeramaileak. Horregatik, presoak birgizarteratzea lortzeko "lanean" ez daudela esan du Erkoreka, "beste estrategia batzuetan" baizik. Bozeramailearen hitzetan, "aske birgizarteratzea eragozten" die ETAk presoei.
Espetxe politikarekiko Gobernu zentralaren jarrera "berriz ere aztertzea beharrezkoa" ez dela azaldu du Erkorekak Gobernu Kontseiluaren ostean. "Hainbat aldiz esan dute, oso argi eta bozeramaile ezberdinek, errepikatzea beharrezkoa ez dela uste dut", adierazi du Jaurlaritzako bozeramaileak.
ETAko presoen jarrera kritikatu du berriro Erkorekak. EPPkko presoek "banakako gizarteratzearen bidea ez dute aukeratu, ezta espetxe politikak ematen dituen kartzela-baimenak baliatu ere", errepikatu du bozeramaileak. "Gertatutakoaren egia hori da", erantsi du.
Auzitegi Nazionaleko espetxe-zaintzako epaileak "ez du eskaerarik jaso", Erkorekak azaldu duenez. Asier Arronategiren kasua gogorarazi du Jaurlaritzako bozeramaileak; izan ere, presoa notario baten aurren damututa agertu zen, ETA alde batera utzi zuen eta biktimei barkamena eskatu zien. "Beste preso askok jarrai dezaketen eredua da", goraipatu du Erkorekak.
Arzuaga: "Erkoreka gezurretan ari da"
Erkoreka gezurretan ari dela salatu du Julen Arzuaga EH Bilduko legebiltzarkideak. ETAko presoak Euskadiko eta Nafarroako kartzeletara eramatea eskatzen ari dira, Arzuagaren ahotan.
Arzuagak Erkorekari erantzun dio agiri batean. Adierazpen "zitalak eta onartezinak" direla uste du EH Bilduk; izan ere, presoak "egoeraren arduradun eta errudun egiten dituzte".
"Erkoreka gezurretan ari da eta badaki, presoak legeak aitortzen dizkieten eskubideak errespetatzeko eskakizun indibidualak egiten ari direlako, Euskal Herrira ekartzea eta, baldintzak ematen diren kasuetan, aske uztea", ziurtatu du Arzuagak.
"EAJk erabaki bat hartu du, Espainiako Gobernuaren espetxe estrategiaren defentsan PPrekin bat egitea erabaki du, alegia", kritikatu du legebiltzarkideak.
Sortu: "EAJk PPren politikak babesten ditu"
Bestalde, EAJk presoekiko duen "jarrera inboluzionista" salatu du Sortuk. Jeltzaleek "praktikan PPren politikei babesa" ematen dietela esan du Sortuk. EAJk "sakabanaketa babesten" duela gaineratu du.
Ezker abertzaleko alderdiak Erkorekaren adierazpenak kritikatu ditu agiri batean. "Zoritxarrez, espetxeetako egoera ez da batere aldatu hilabete guzti hauetan", salatu du Sortuk. "Indarrean dagoen espetxe politikak ez du justifikazio legalik, ezta politikorik", erantsi du.
Zure interesekoa izan daiteke
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.