Otegiren defentsak Narvaez Konstituzionaleko epailea errefusatu du
Arnaldo Otegi ezker abertzaleko buruzagiaren defentsak iragarri du Antonio Narvaez Auzitegi Konstituzionaleko epaile berria errefusatu duela Bateragune auzian, Auzitegi Gorenean zegoenean esku hartu zuela iritzita, epaitegiko iturriek jakitera eman dutenez.
Izan ere, Botere Judizialaren Lege Organikoko 291.13 artikuluaren arabera, auziarekin lotura duen gairen batean zuzenean edo zeharka parte hartu duten kargudunak errefusatzeko aukera dago.
Otegiren defentsak dio Antonio Narvaez, aurreko astean Konstituzionaleko epaile izendatu zutena, izan zela Sortu alderdi politiko ez izateko salaketa jarri zuena, eta bertan Bateraguneri erreferentzia egiten zitzaiola.
Auzitegi Konstituzionaletik jakinarazi dutenez, hala ere, errefusatzeko eskaririk ez dute jaso oraindik.
Otegik sei urte eta erdiko kartzela zigorra jaso zuen Bateragune auziagatik, babes helegitea aurkeztu zuen, eta Konstituzionalak horren inguruko erabakia hartu behar du. 2009tik dago preso Miren Zabaleta, Arkaitz Rodriguez eta Sonia Jacintok bezalaxe. Azken horiek bat egin zuten helegitearekin.
Rafa Diaz Usabiaga LABen idazkari nagusi ohia ere preso dago auzi berdinagatik, baina bere prozedura bestelakoa da, nahiz eta Konstituzionalaren erabakiak berari ere eragingo dion.
Albiste gehiago politika
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Abalos Auzitegi Gorenean da, eta epaileak atzera bota du Garciak deklarazioa atzeratzeko egindako eskaera
Era berean, magistratuak baztertu egin du Nafarroako Gobernua akusazio gisa aurkeztea, ez baitu zehaztu zer egitatek ekarriko luketen kaltedun izatea. Maria Chivitek zuzendutako Gobernuak akusazio partikular gisa aurkeztea eskatu zuen joan den astean.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.