Jordi Pujolen pribilejioak
Jordi Pujol Kataluniako Gobernuko presidente ohiak uko egin die CiUn eta CDCn zituen ohorezko karguei eta agintari ohi gisa zituen pribilejioei, 30 urtez atzerrian dirutza ezkutatu zuela aitortu eta gero.
'Molt Honorable'
Generalitateko presidente ohi bezala duen pribilejioetako bat 'Molt Honorable Senyor' (Jaun ohoretsua) tratamendua da.
Kataluniako Parlamentuak 2003. urtean onartu zuen, Pujol Gobernutik atera baino hilabete batzuk lehenago, presidente ohien estatusari buruzko lege batean.
Nolanahi ere, Artur Masek azaldu duenez, Pujolek protokolo tratamendu hori jasotzen jarraituko du. "Araututa dago, eta Pujolek ezin dio uko egin Generalitateko presidentea izan izanari", argudiatu du.
Biziarteko pentsioa
President ohiak errefusatu egin duen pribilegioetako bat 86.000 euroko biziarteko pentsioa da.
Agintean zegoenean jasotzen zuen soldataren % 60 da pentsio hori.
Bulegoa
Pujolek Bartzelonako Gracia pasealekuan zuen bulegoari ere egin dio uko.
Bulego hori 441 metro karratukoa da, eta alokairuak 145.000 eta 175.000 euro arteko kostua du.
Idazkariak, gidaria eta auto ofiziala
Agintari ohiak bulego horretan zituen laguntzaileak (hiru pertsona), auto ofiziala eta horren gidaria ere utziko ditu.
Ohorezko karguak
CDC eta CiU barruan, gainera, dimisioa eman du presidente fundatzaile gisa, eta, horrenbestez, ezin izango da bere alderdiaren eta koalizioaren bileretara joan.
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.