Diada: Independentziaren aldeko ekimen jendetsua, kontsulta indartzeko
Milioi erdi bat pertsonak baino gehiagok eman dute izena Diadaren mobilizazio berri honetan parte hartzeko, azaroaren 9rako deitutako kontsulta indartzeko. Generalitateak Auzitegi Konstituzionalak ezarriko duen balizko betoa obeditzeko eztabaidaren baitan izango da.
ANCk eta Omniumek berriro ere antolatu dute manifestazio nagusia, oraingo honetan, "V" forma duela. Bartzelonako Diagonaleko eta Kale Nagusiko bideak betetzea espero dute.
Independentismoa kalera indarrez aterako da hirugarren urtez jarraian Diada egunean; 2012an Bartzelonan manifestazio jendetsua izan zen eta 2013an Katalunia zeharkatu zuen giza katea osatu zen.
CiU, ERC, ICV-EUiA eta CUP alderdiek data eta kontsultako galdera onetsi zituzten, eta martxan parte hartuko dute. Katalunian azaroaren 9ko deialdiaren alde dagoen "gehiengo sozialaren" eta batasunaren sinbolotzat hartu dute eguna.
Mas ez da bertan izango
2012ko eta 2013ko mobilizazioetan egin bezala, Artur Mas Generalitateko presidenteak deialdiari babes osoa erakutsi dio, baina ez da bertan izango, paper instituzionalak ekidin egiten diola uste duelako.
Besteak beste, Francesc Homs, Josep Maria Pelegri eta Ferran Mascarell kontseilariak bai izango dira, ondorengo buru politikoez gain: Jordi Turull CiUren bozeramailea Parlamentuan, Oriol Junqueras ERCko presidentea, Joan Herrera ICV- EUiAko burua eta David Fernandez CUPekoa.
"V" forma 17:14an osatuko dute
15:00etan zirkulazio-murrizketak egiten hasiko dira Bartzelonan, 16:00etan jendea biltzen hasi ahal izateko. "V" formako kontzentrazioa 17:14an egingo dute, Ondorengotza Gerran Bartzelona erori zen data gogoan.
"V" letrak "Volem Votar" (Botoa eman nahi dugu) eta "Victoria" (Garaipena) sinbolizatzen ditu, eta 11 kilometro hartuko ditu.
Ez independentistak deitu dituzte Tarragonan
Kataluniako Sozietate Zibilak independentziaren aldekoak ez direnak deitu ditu Tarragonan, Diada dela eta, "senyera" eta Kataluniak Espainian jarraitzea aldarrikatzeko. 50x12 metro izango dituen Kataluniako bandera Ramblatik irtengo da, erromatar anfiteatroraino.
EAJko eta EH Bilduko ordezkariak, ekitaldietan
EAJko eta EH Bilduko ordezkariek Katalunian Diada dela-eta antolatutako ekitaldietan izatea aurreikusi dute. Bi alderdiek Eskoziara ere ordezkariak bidaliko dituzte, irailaren 18ko independentzia-erreferenduma bertatik bertara jarraitzeko.
Albiste gehiago politika
Goia kexu agertu da Espainiako Gobernuarekin, Malitik etorritako migratzaileekin duen ardurari ez baitio behar bezala heltzen
Donostian bizi diren migratzaile maliarren egoeraz galdetuta, Eneko Goia alkateak Euskadi Irratiko Faktoria saioan adierazi du behin-behineko irtenbidea aurkitu dutela Arantzazun, eta adierazi du Espainiako Gobernuak Malitik etorritako migratzaileekin duen ardurari ez diola behar bezala heltzen.
"ASESINOS" eta "ETARRAS" margotu dute Santutxuko herriko tabernan
Ezker abertzalearen aurkako pintaketak agertu dira gaur Bilboko auzo batzuetan. Santutxuko herriko tabernan, esaterako, "ASESINOS" eta "ETARRAS" idatzi dute lokaleko bi pertsianetan. Solokoetxen ere agertu dira pintaketak, kaleko horma batzuetan. Bilboko Sortuk gaitzetsi egin ditu gertaera horiek.
SAREk presoen eskubideekiko konpromisoa berretsi eta haien aldarrikapena "kriminalizatzeko" saiakerak salatu ditu
Halaber, biktimen mina eta sufrimendua helburu politikoekin erabiltzea deitoratu du, eta gogorarazi du "biktima bakoitza bere sufrimenduaren jabe" dela eta errespetua, elkartasuna eta begirunea merezi dituela.
Voxek PPri festa musulmanak debekatzea onartu zuen Jumillako osoko bilkuran: 'Helburua beteta'
PPren botoei eta Voxen abstentzioari esker, proposamen polemikoa aurrera atera zen eta ultrek garaipena bereganatu zuten.
Zer aldatzen da EBren komunikabideen askatasunari buruzko lege berriarekin?
Erregelamendu bat denez, araudi berriaren artikuluak lotesleak dira EBko estatu guztientzat, inolako transposizio beharrik gabe. "Segurtasun nazionaleko" arrazoiak argudiatuta, kazetariak edo kazetarien iturriak zelatatzeko aukera ematen zuen klausula bat sartzeko saiakera izan da oztopo handienetako bat negoziazioan.
Urgentziaz ospitaleratu dute Jose Maria Angel GOIDIko komisionatu ohia, bere buruaz beste egiten saiatu ostean
Komisionatu izateari uko egin zion, duela 43 urte funtzionario mailaz igotzeko erabili zuen titulazioari buruzko polemika piztu ondoren.
Puigdemont, itzuli eta berriro ihes egin eta urtebetera: "Giltzapetuta eta gaitasungabetuta nahi banaute, nire betebeharra kontrakoa egitea da"
Generalitateko presidente ohia 2024ko abuztuaren 8an itzuli zen Kataluniara, hitzaldi labur baten ostean berriro ihes egiteko. Ordutik urtebete pasatu den honetan, bere hausnarketa argitaratu du sare sozialetan.
Sarek manifestazioa deitu du Donostiako Aste Nagusiko azken egunerako, presoen etxerako bidea "indartu eta arintzeko"
Asteazken honetan emandako prentsaurrekoan, Beñat Uribe-Etxeberria Sareren bozeramaileak adierazi du mobilizazioa eginda "aldarrikapena txertatu" nahi dutela jaiegun horietan. Hala, manifestazioa deitu du Donostiako Aste Nagusiko azken egunerako, abuztuaren 16rako, presoen etxerako bidea "indartu eta arintzeko".
Miguel Tellado eta Aitor Estebanen arteko tira-bira, Cerdanen afera eta curriculum makillatuak direla eta
Asteartean argitaratutako elkarrizketa batean Cerdanek egindako baieztapenek eragin dute bi politikarien arteko hizka-mizka.
Nafarroako herri-lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina eta Jose Luis Abalosek agerraldia egiteko eskaerak. Agerraldiak urriaren erdialdean hasiko dira.