Esleipenen truke gainsoldatak jaso dituenik ukatu du Pujolen semeak
Esleipen publikoetan bitarteko lanak egiteagatik gainsoldatak jaso dituenik ukatu du Jordi Pujol Ferrusolak epailearen aurrean. Horrela, enpresen eskutik jaso zituen diru kopuruak benetako lanen truke kobratu zituela defendatu du Ferrusolak, nahiz eta Poliziak kontrakoa esan.
Victoria Alvarezek, Ferrusolaren bikotekide ohiak, aldiz, kontratu publikoen esleipenean bitartekotza lanak egiteagatik Pujolen semeak legez kanpoko gainsoldatak kobratu zituela "bistakoa" dela ziurtatu du.
"Ez nik esaten dudalako, Udefen txosten batek hori diolako baizik", adierazi du Alvarezek.
Pujolen deklarazioari erreferentzia eginez zera esan du Alvarezek: "Asko geratzen da oraindik; gaurkoa bataila txikitxoa baino ez da izan".
Aske, inolako neurririk ezarri gabe
Kataluniako Generalitateko presidente ohiaren seme nagusia Auzitegi Nazionaletik atera da inolako neurririk ezarri gabe, bost orduz deklaratzen eman eta gero, Pablo Ruz ANren epailearen aurrean. Ruzek "legez kanpoko komisiorik" jaso ote zituen galdetu dio, kontratu publikoak esleitzearen truke eta ustezko aholkularitza lanen itxura emanda.
5 zenbakiko Instrukzio Auzitegi Zentraleko titularrak ia esklusiban erabili du deklarazioan emandako denbora; izan ere, bost orduetatik lau orduz egin ditu galderak, auzitegiko iturriek esan dutenez. Deklarazioa bukatutakoan, ez Ustelkeriaren kontrako Fiskaltzak ezta Estatuaren Abokatutzak ere ez dute badaezpadako neurririk ezartzea eskatu; hori dela eta, inputatuak epaitegitik alde egin du, bisitatxoa egin barik.
Jordi Pujol Ferrusola Auzitegi Nazionaletik ateratzen. Argazkia: EFE
Era berean, Merce Girones Ferrusolaren emazte ohia aske geratu da inolako neurririk ezarri gabe. Epaileak Girones bi orduz galdekatu du.
Jordi Pujol Ferrusola, Kataluniako Generalitateko presidente ohiaren semea, taxi batean heldu da Auzitegi Nazionalera, deklaratzen hasi baino ordu erdi lehenago.
Trajea eta eguzkitako betaurrekoak jantzita zeramatzala sartu da Auzitegian, 09:30 jotzear zirenean, Cristobal Martell abokatuarekin eta beste pertsona batekin batera.
Pujol Ferrusola, seme-alaben artean zaharrena, inputatu gisa deklaratzera deitu dute gaur Auzitegi Nazionalera, Andorran dirua ezkutatzea egotzita. Hain zuzen ere, dirua zuritzea eta delitu fiskalak leporatu dizkio Pablo Ruz epaileak.
Alvarezen salaketa
Auziak 2013. urteko urtarrilean du sorburua. Orduan, Pujolen semearen bikotekide ohi batek, Victoria Alvarezek, salaketa bat aurkeztu zuen horren aurka.
Poliziak eta Espainiako Zerga Agentziak ikerketa abiatu zuten, eta Pujol Ferrusolak hainbat paradisu fiskaletara 32 milioi euro desbideratu zituela ondorioztatu zuten. Txosten horiek oinarri hartuta inputatu zuen Ruz epaileak.
Poliziaren arabera, Pujol Ferrusolak komisioak kobratzen zizkien enpresei, kontratu publikoak emateko.
Jordi Pujol aitak 34 urtez atzerrian dirutza ezkutatu izan duela aitortu zuen udan. Horren aurrean, Manos Limpias sindikatuak salaketa aurkeztu zuen, eta Bartzelonako instrukzioko 3. epaitegiak onartu egin zuen.
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.