ANCk eta Omniumek A9 berria babestu eta plebiszitarioak eskatu dituzte
Carme Forcadell ANCko presidenteak Kataluniako Gobernuak azaroaren 9rako iragarritako bozketa babestu du, baina ohartarazita hiru hilabeteko epean hauteskunde plebiszitarioak egin beharko direla.
Forcadellek ANCk eta Omnium Culturalek Bartzelonako Katalunia plazan egindako ekitaldian egin ditu adierazpenak, 110.000 lagun baino gehiagoren aurrean. Ekitaldia azaroaren 9rako kontsultaren ordez iragarritako bozketa dela eta egin dute.
Forcadellek eta Muriel Casals Omnium Culturalek iraganean izandako batasun politikoa berreskuratzeko eskatu diete independentziaren aldeko alderdiei, baina ez dute balizko zerrenda bakarraren inguruan aipamenik egin.
ANCren presidenteak penagarritzat jo du Masek aurreko astean proposatutako kontsulta bat ez etortzea hasierakoarekin: "Ez da agindu ziguten kontsulta, aurkeztu ziguten galderarekin gertatu zen bezala, eta onartu egin genuen batasuna bermatuko zuela esan zigutelako".
Ondoren, kontsulta berria onartzeko baldintzak zehaztu ditu: "Kontsulta babestu egingo dugu, azaroaren 9ko bozketa hauteskunde plebiszitarioen lehenengo itzulia bada Kataluniaren etorkizuna erabakitzeko. Hauteskunde horiek aginte demokratikoa ahalbidetu beharko digute, munduaren aurrean askatasuna berma diezaguten".
"Hauteskunde deialdia egitea eskatu diogu presidenteari. Hiru hilabeteren buruan boza eman nahi dugu", esan du ANCren presidenteak. Gainera, udaberrirako Parlamentu berriak osatuta egon behar du, independentziaren bideari ekiteko prest, diputatuen gehiengoak hala erabakitzen badu.
Forcadellen esanetan, bi erakundeek ez dute onartuko gehiago luzatzea independentziarako bidean, eta ANCk eta Omniumek azken Diadetan herritarrak mugiarazteko konpromisoa hartu duten bezala, orain alderdiek erantzun egin beharko dute, eta erabakiak hartu.
Omniumen presidenteak, bestalde, hiru ardatzetan laburbildu du Kataluniako Gobernutik espero duten erantzuna: "Alderdien eta herritarren batasuna; bozetatik aginte garbi bat ateratzea, eta independentzia, herritarren gehiengoak hala erabakitzen badu botoen bidez".
Zure interesekoa izan daiteke
Podemos, IU eta Sumar koalizioan aurkeztuko dira Andaluziako hauteskundeetara
Alderdi progresistek Por Andalucía koalizioan aurkezteko akordioa lortu dute, Iniciativa del Pueblo Andaluz, Alternativa Republicana, Partido Verde eta Alianza Verde alderdiekin batera.
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.