Madrilgo lau udalek Cofelyrekin egindako kontratuak ikertzen ari dira
Guardia Zibila Madrilgo lau udalek Cofely enpresa frantziarraren Espainiako filialari aurten eta iaz esleitutako lau kontratu ikertzen ari da. Guztira, 115 milioi euroko kontratuak sinatu zituztela uste dute.
Mostoles, Collado Villalba, Valdemoro eta Parlako udalek lau kontratu esleitu zizkioten ustelkeria tramaren onuradun nagusia omen zenari. Ustelkeria kasu honetan nahastuta omen daude Francisco Granados Madrilgo PPko idazkari nagusi ohia, Madrilgo Autonomia Erkidegoko sei alkate, eta hainbat politikari, udal teknikari eta enpresari.
EFE albiste agentziak zabaldutako datuen arabera, Guardia Zibila Valdemoroko Udalak Cofely enpresarekin sinatutako 60,8 milioi euroko kontratu bat ikertzen ari da. Aipaturiko kontratua multinazional frantsesari esleitu zitzaiola argitaratu zen Estatuko Aldizkari Ofizialean otsailaren 1ean, eta bertan Jose Carlos Boza alkate popularraren sinadura agertzen zen. Kontratua 2013ko abenduaren 5ean esleitu zuten eta hilaren 27an formalizatu zuten.
Bestalde, Estatuko Aldizkari Ofizialean ekainean argitaratu zen Agustin Juarez Collado Villalbako alkate popularrak Cofely enpresarekin sinatutako 42,9 milioi euroko kontratuaren berri. Kontratua maiatzean esleitu zuten eta ekainaren 2an formalizatu zuten.
Mostolesko Udalak Cofelyrekin aurten sinatu duen 6,2 milioi euroko kontratua ere ikertzen ari dira.
Azkenik, iaz 4,4 milioi euroko kontratua sinatu zuen Parlako Udalak (PSOE) aipaturiko enpresarekin.
Kontratu horiez gain, Madrilgo Erkidegoko Gobernuak Cofely enpresarekin sinatutako beste bi kontratu ere aztertzen ari dira.
Zure interesekoa izan daiteke
Sanchezek Aznarren aurka egin du Espainia Irakeko gerran sartzeagatik eta Iranen "akats bera ez egitea" eskatu du
Espainiako Gobernuko presidenteak Iran militarki eta ekonomikoki Irak baino askoz ere indartsuagoa dela nabarmendu du, eta gerraren ondorioak ere handiagoak izango direla ohartarazi du.
GOIDIa ikertzen duen epaileak lekuko gisa deklaratzera deitu du Mazon
Horrez gainera, "bere borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre 'Anbotori' espetxe araudia aplikatu zaiola esan du Ubarretxenak
Eusko Jaurlaritzako bozeramaileak azaldu duenez, Iparragirrek beste edozein presoren tratamendu bera jaso du, eta ez da inolako neurri diskrezionalik hartu. Aipatu du ulertzen dutela ETAren biktimei eragin ahal izan dien mina. Hala ere, gogorarazi du neurri horrek birgizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.
Andaluziak 2026ko maiatzaren 17an egingo ditu hauteskunde autonomikoak
Juanma Moreno presidenteak hilabete aurreratu ditu hauteskundeak; izan ere, legegintzaldia ekainean amaitzea aurreikusita zegoen.
Pradalesek ausardiaz jokatzeko garaia dela esan die euskal enpresei
Irango gerrak Euskadiko ekonomian izango duen eraginaz kezkatuta agertu da lehendakaria, ULMA enpresara egin duen bisitan. Onartu egin du hurrengo asteak eta hilabeteak ez direla errazak izango, baina nabarmendu du Europako berrindustrializazioari ekarpen handia egin diezaioketela euskal enpresek.
PPk zer erabaki jakin arte, Gobernua Juntsen menpe egongo da Irango gerraren ondorioak arintzeko beherapen fiskalen dekretua aurrera ateratzeko
Podemosek adierazi du ez duela neurri sortaren aurka egingo, baina uste du ezin duela aldeko botorik eman, beherapen fiskalak ezartzea "prezioen igoerari aurre egiteko bidea" ez delakoan. Hala, abstenitu egingo dela jakinarazi du.