Masek gutuna bidaliko dio Rajoyri, behin betiko erreferenduma adosteko
Artur Mas Generalitateko presidentea azaroaren 9ko prozesu parte-hartzailean "beldurrik gabe" parte hartzeko deia egin die katalanei, ez independentziaren alde edo kontra bozkatzeko soilik, "mespretxuz" eta "ezgaitasun politikoz" jokatzen duen Estatuaren aurrean Katalunia "babesteko" baizik.
Halaber, azaroaren 9an parte hartuko duten boluntarioei inplikatzeko beldurrik ez izateko dei egin die.
Erabakitzeko eskubidea defendatzeko "eskubide naturala"ri egin dio aipamena. Horren iritziz, aste honetan "beldurra eta nahasmena" sortzen ahaleginduko dira, baina "beldurrik gabe" parte hartzera deitu ditu herritarrak, eta parte hartuz "herrialde oso bat" (Katalunia) babestuko dutela gaineratu du.
Halaber, prozesu parte-hartzailea antolatzeko asmoari eusteko asmoa berretsi du: "Egitea tokatzen dena eta egin behar dena egiteko gaude".
Masek Forum Europak antolatutako gosari informatibo batean parte hartu du, atzo Auzitegi Konstituzionalak azaroaren 9ko kontsulta "alternatiboa" bertan behera utzi arren, Generalitateak parte hartze prozesuari eutsiko ziola iragarri ostean.
Masek Estatuaren "intoleratziaren harresia" eraistea desiratu du, eta Estatuari "ezjakintasunez eta mespretxuz" eta zenbait kasutan "azpikeriaz" jokatzea egotzi dio. Gainera, "izugarrizko ezgaitasun politikoa" izatea leporatu dio Gobernuari, Kataluniako auziaren aurrean ez duelako "ekimen bat bera ere" aurkeztu.
Masek eskutitz bat bidaliko dio Rajoyri eta "behin betiko" erreferenduma egitea eskatuko dio
Artur Mas Generalitateko presidenteak eskutitz bat bidaliko dio Mariano Rajoy Espainiako Gobernu presidenteari azaroaren 9a pasatu ondoren, eta katalanei Espainiarekin izan nahi duten harremana erabakitzea ahalbidetuko dien bozketa adostea eskatuko dio, Quebecen eta Eskozian egin zuten bezala.
Generalitateak salaketa jarri du Auzitegi Gorenean Espainiako Gobernuaren kontra, eta salaketa horrekin katalanen askatasunak baino zerbait gehiago babesten ari direla azpimarratu du: "Espainiako herritar guztien eskubideak babesten ari gara eta horien eskubideengatik ari gara borrokan".
Artur Masek 'lasaitasuna' eskatu du azaroaren 9ko polemika 'desdramatizatzeko'
Kataluniako presidenteak lasaitasunerako deia egin du azaroaren 9ko prozesu parte-hartzailearen inguruan sortu den eztabaidari "dramatizazioa kentzeko". Masek defendatu duenez, prozesu soberanista "garbitasun demokratikotik eta legearekiko errespetutik" egingo da, Kataluniarentzat "proiektu propioa" eraikitzeko eta haren "duintasuna" mantentzeko.
Masen esanetan, erabakitzeko eskubidea herrien eskubide "naturala" da, eta prozesu soberanista "gehiengo zabalekin" eta "gizatasun eredugarriarekin" gauzatzen ari da, "kolperik eta irainik gabe". "Inoiz baino garrantzitsuagoa da aste honetan ere horrela egitea", nabarmendu du.
Albiste gehiago politika
Pintaketak egin dituzte Voxen Gasteizko egoitzan
Alderdi ultraeskuindarraren izena estaltzeko pegatinak jarri dituzte, kartelari txistu egin diote, "Afíliate" mezua zirriborratu dute eta "Gora ETA" idatzi dute egoitzaren atarian.
Gogor jo du Estebanek oposizioko taldeen kontra eta, horien aurrean, EAJren proiektua eta egiteko modua babestu du
Zarautzen ikasturte politikoa irekitzeko ekitaldian, EBBko presidenteak PPri irain eta gezurretan lokaztuta dagoela esan dio, PSOEri botereari itsatsita egotea leporatu dio, eta EH Bilduri eraiki baino gehiago oztopatzea. Autogobernuaren eta proiektu sendoen alde egin du, EAJ horien berme dela ziurtatuz.
Arantza Arruti militante abertzale eta feminista hil da, 79 urte zituela
ETAko lehen emakume liberatuetako bat izan zen, baita atxilotu zuten aurrenekoa ere. Politikagintzan aritutakoa da, eta hainbat talde feminista sortzeko prozesuetan parte hartu zuen.
EAJk bilera egin du Getarian, Zarautzen urte politikoari hasiera eman aurretik
Kurtso politiko berriko lehen bilera izan du jeltzaleen zuzendaritzak. Arratsaldean, berriz, urtero bezala, Zarautzen egingo du Euzko Alderdi Jeltzaleak urte politiko berria irekitzeko ekitaldia.
EH Bildu Eusko Jaurlaritzarekin akordioak lortzeko prest dago, "politika publikoak aldatzeko" bada
Arnaldo Otegi koalizioko idazkari nagusiak nabarmendu du EH Bildu akordioak lortzeko borondatearekin joango dela lehendakariak iragarritako bilera-sortara, baina gauzak aldatzeko politika publikoak aldatu behar direla erantsi du. Balizko estatus politiko berriari dagokionez, Otegik adierazi du Espainiak Euskal Herria nazio gisa aitortzea izan behar dela abiapuntua.
Mañuetako alkateak inskripzio frankista bat kentzeari uko egin izana aztertuko du Espainiako Gobernuaren ordezkariak
Francisco Javier Garcia herriko alkateak (PP) esan duenez, "nire borondatez ez dut kenduko", "ez du inor molestatzen" eta "bizitza osoa darama herrian".
Mañuecoren esanetan, "koktel gaizto batek" du Gaztela eta Leongo suteen larritasunaren errua
Bien bitartean, kolektibo eta sindikatu ugari bildu dira Gaztela eta Leongo Gorteen atarian dimisioak eskatzeko eta operatiboaren baliabide falta salatzeko.
Dozenaka baso-suhiltzaile Gaztela eta Leongo Gorteen aurrean bildu dira Mañueco eta Quiñonesen dimisioak eskatzeko
"Mala gestión. ¡Quiñones dimisión!" (Kudeaketa txarra. Quiñones, dimititu!) lelopean, ehunka pertsonak dimisioa emateko eskatu diete Gaztela eta Leongo Juntako presidenteari, Ingurumen sailburuari eta Natura Ondare eta Baso Politikako zuzendari nagusiari.
25 urte bete dira ETAk Manuel Indiano, Zumarragako PPko zinegotzia, hil zuela
Atentatu horren ondorioz, PSE-EEk bere zinegotzi guztiak eskolta eramatera behartu zituen. Zumarragako bost zinegotzi sozialistek, ordea, uko egin zieten euren aktei. Hainbat urtez, Zumarragak ez zuen PSE-EEko eta PPko ordezkaririk izan.
"Eskuin muturrari eta olatu autoritarioari aurre egiteko" elkarlanean aritzeko konpromisoa hartu dute EH Bilduk eta Mas Madrilek
Bi alderdi politikoek bilera bat egin dute Bilbon, Arnaldo Otegi buru duen alderdiak Estatuko egoera politikoa ebaluatzeko egiten ari den bilera-sortaren barruan. Komunikatu bateratu batean, bi alderdiek "positibotzat eta konstruktibotzat" jo dute hitzordua, eta "Espainiako Estatuak bizi duen egoerari eta testuinguru globalari buruzko ikuspegia partekatzeko balio izan duela" zehaztu dute.