A9an kontsultarik izango ez dela ziurtatu du Espainiako Gobernuak
Auzitegi Konstituzionalak Artur Mas Generalitateko presidenteak A9an egin nahi zuen kontsulta bertan behera utzi eta gero, datorren igandean galdeketarik izango ez dela ziurtatu du Espainiako Gobernuak, nahiz eta Kataluniako Exekutiboak aurrera jarraituko duela iragarri.
Espainiako Exekutiboko iturrien arabera, Mariano Rajoyren Gobernua pozik dago Konstituzionalak hartutako erabakiarekin. Kontsulta alternatiboaren aurka helegitea aurkeztea adostu zuen Ministroen Kontseiluak iragan ostiralean.
"Egin beharrekoa egin du Gobernuak: kontra egin", azpimarratu dute iturriek. Konstituzionalaren erabakia obeditzeko eskatu diote Masi. Hala ere, Auzitegiaren erabakiaren ostean, Katalunian, igandean, kontsultarik izango ez dela ziurtatu dute.
Zentzu horretan, Masek kontsultarekin aurrera jarraitzeko pausoa emango ez duela uste dute. Bestalde, Kataluniako elkarteek egiten dutenaren erantzukizuna Generalitateko presidenteak izango duela ohartarazi dute.
Kataluniako Asanblada Nazionala bezalako elkarteak eta entitateak azaroaren 9ko kontsulta antolatzeko arduradun gisa azaltzeko aukera aurreikusi dute Espainiako Exekutiboaren iturriek. Edozein kasutan erantzukizuna Masek izango duela aurreratu dute.
Espainiako Gobernuaren hitzetan, trikimailu posible horrekin Masek ez du inor engainatuko, bera arduraduna dela mundu guztiak dakielako.
Saenz de Santamaria: "Gobernariek ezin dute zer bete eta zer ez erabaki"
Horrela, Auzitegi Konstituzionalaren erabakia obeditzeko eskatu dio Soraya Saenz de Santamaria Gobernuko presidenteordeak Artur Masi. Gobernuko presidenteordearen hitzetan, "gobernariek ezin dute erabaki zer bete eta zer ez".
Laneko Merituaren Urrezko Dominak banatzeko ekitaldian parte hartu du Saenz de Santamariak, Liburutegi Nazionalean. Konstituzionalak Gobernuaren helegitea onartu eta handik gutxira egin ditu adierazpenak presidenteordeak.
"Kataluniarren eta espainiar guztien eskubideak bermatzea" Konstituzionalari dagokiola gogorarazi du Saenz de Santamariak. Auzitegiaren "erabakiak guztiek errespetatu" behar dituztela ohartarazi du presidenteordeak.
Era berean, erabakia "obeditzeko" eskatu dio Alicia Sanchez-Camacho PPCko buruzagiak Masi. Gobernuaren kontrako "pultsua eta erronka" bertan behera lagatzeko eskatu dio Sanchez-Camachok Kataluniako presidenteari. A9 “berehala” bertan behera uzteko esan dio, funtzionarioak eta Kataluniako herritarrak “legez at ez uzteko”, gaineratu du.
Zure interesekoa izan daiteke
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.