Kontsultaren aurkako helegitea ez baliogabetzea erabaki du Gorenak
Espainiako Gobernuak azaroaren 9an Katalunian egin nahi duten kontsulta alternatiboaren aurka aurkeztutako helegitea bertan behera ez uztea erabaki du gaur Auzitegi Gorenak.
Generalitateak helegitea aurkeztu zuen Gorenean, Espainiako Gobernuak Konstituzionalean jarri zuen inpugnazioaren ondorioak, behin-behinean, bertan behera gera daitezen eskatzeko. Gorenak, berriz, ez du bertan behera utzi, eta, hortaz, indarrean jarraitzen du Konstituzionalak erabakitakoa.
Oinarrizko eskubideak urratu izana argudiatuta eraman zuen auzitara Kataluniako Gobernuak Espainiakoa.
Gorenaren iritziz, Kataluniako Gobernuak eskatutako kautelazko neurriek “ez dute zentzurik”; Kataluniak kautelazko neurriak Espainiako Gobernuaren erabakia Buletin Ofizialean publikatu ondoren eskatu izana azpimarratu du Gorenak.
Gaurko ebazpenean, Gorenak esan du ez duela Kataluniak eskatutakoa onartu, eta Ministroen Bileran hartutako erabakien aurrean ezin dela errekurtsorik jarri gaineratu du.
Gorenak atzo eta gaur eztabaidatu du Kataluniak eskatutakoa, eta goizean eman du jakitera hartutako erabakia.
Aretoak Fiskaltza eta Estatuko Abokatutza entzun gabe hartu du erabakia (horrela egiten du beti, kautelazko neurriak hartzeko eskaerekin).
Albiste gehiago politika
EAJk "zubi guztiak haustea" egotzi dio PPri, De Andresek Cerdan auzian dituen "inplikazioengatik" azalpenak eskatu ostean
Alberto Nuñez Feijook zuzentzen duen alderdia "Jeckyll eta Mr.Hyde" gisa definitu dute jeltzaleek; "egun batean EAJrekin harremana abiatu nahi du eta biharamunean zubi guztiak hautsi".
Legegintzaldiak behea jotzeko arriskua ikusten du Sumarrek, PSOEren "immobilismoagatik"
Cerdanen espetxeratzeak eragindako krisia dela eta PSOErekin legealdiaren etorkizuna aztertzeko bi ordu eta erdiko bilera egin ostean, Sumarren bozeramaileak esan du PSOE ez dela egoeraren "larritasunaz ohartu".
PPk azalpenak eskatu dizkio EAJri Cerdan auzian dituen "inplikazioengatik"
Javier De Andres EAEko PPko presidenteak azalpenak eskatu dizkio EAJri, Santos Cerdan PSEko antolakuntza idazkari ohiaren auzian Iñaki Alzaga enpresaburuak (alderdi abertzalearekin lotura duena, bere esanetan) duen inplikazioagatik.
Tellado izango da PPren idazkari nagusia, eta Ester Muñoz, bozeramailea
Kongresuko egungo bozeramaileak ordezkatuko du Cuca Gamarra, PPk asteburuan Madrilen egingo duen XXI. kongresu nazionalean.
'Cerdan auzia'ren ostean legegintzaldia indarberritzeko neurriak hartzeko bildu dira PSOE eta Sumar
Sumarren asmoa da "180 graduko bira" ematea, eta nabarmendu dute krisi honek balio behar duela Gobernuaren programaren helburu nagusiak bizkortzeko eta ustelkeriaren aurkako mezu argia emateko. Horren bidez, oinarri progresistak suspertzeko 'Cerdan auzia'ren afrontuaren ostean.
Miguel Telladok PP eta EAJren arteko harremanari berriz heltzeko eskatu diela jakinarazi du alderdi jeltzaleak
PPk Kongresuan duen bozeramaileak eta Maribel Vaquero EAJko homologoak elkarrizketa labur bat izan dute gaur arratsaldean. Jeltzaleak kortesia parlamentarioagatik onartu du PPren ordezkariarekin hitz egitea.
Cerdan kartzelan sartzen ikustea “irudi mingarri zein etsigarria” da Espainiako Gobernuarentzat
Ministroen Kontseiluaren osteko prentsaurrekoan, Pilar Alegria bozeramaileak onartu du irudi hori "gertaera erabat lotsagarri eta izugarrien" ondorioa dela. Berretsi du "Gobernuak ustelkeriari aurre egiteko lanean” jarraituko duela, “justiziarekin ahalik eta gardentasun handienarekin kolaboratzen eta beharrezkoak diren azalpen guztiak ematen".
15 arlotako proposamenak biltzen dituen lan-dokumentua aurkeztu dio Podemosek lehendakariari
Imanol Pradales eta Richar Vaquero alderdi morearen koordinatzaile nagusi berria bildu dira. Hainbat gai izan dituzte hizpide, besteak beste, etxebizitza, zerbitzu publikoak, industria-politika, ekologia, fiskalitate progresiboa, immigrazioa, zaintza eta osasuna, hezkuntza publikoa eta ustelkeriaren aurkako borroka.
Eusko Jaurlaritzak "oraingoz" ez du 'Koldo auzi'ko enpresekin lotutako kontraturik atzeman
Santos Cerdan espetxeratu eta biharamunean Maria Ubarretxena Eusko Jaurlaritzaren bozeramaileak adierazi du kezkatuta dagoela egoera politikoa dela eta, are, eskatu du ikerketa azken bururaino eramatea. Halaber, azpimarratu du Espainian gobernu bat dagoen bitartean Eusko Jaurlaritzak gobernu horrekin lanean jarraituko duela.
Yolanda Diazek "lotsagarritzat" jo du Cerdanekin gertatutakoa, eta ustelkeria herrialde arazoa dela esan du
Espainiako Gobernuko bigarren presidenteordeak honako hau eskatu dio Pedro Sanchezi: krisiaren larritasuna ikusita, aferari ezin zaio "epelkeriaz heldu; erregenerazio demokratikorako neurri sendoak hartu behar dira", eta erabateko eta errotiko aldaketa baten beharra azpimarratu du.